Sunday, May 27, 2007

صباح الخير على الورد اللى فتح فى جناين مصر

اثنين من أكلة لحوم البشر-- راجل و أبنه-- اصطادوا هيفاء وهبي.. خدوها ع البيت, الراجل بيبص لها من ناحية و ريقه بيجري و الواد م الناحية التانية, قاله يا ابا ما تيالا ناكلها, قالوا لأ دي هنخليها و هناكل أمك ... أيه علاقة ده بالتدوين؟ مش عارف, ما أكدبش عليكم مش عارف بس قولت أجرب أيدي فالكيبورد بتاع النيلة داهوه وجع صوابعي فقولت أقولكم كلمة ع الفيديو أحسن ... بحبكم يا عيال يا ورد مصر المفتح


138 comments:

جبهة التهييس الشعبية said...

استاذ احمد

انا معجبة بحضرتك من زمان

وباقول تدلق ام زينب وتتجوزني ايه رأيك؟

sokoothansawat said...

عم فاجومي...منور الشبكة العنكبوتية والله...النت قربت تولع...الفاجومي الكبير و بنتة مرة واحدة...عم احمد..ربنا يديك الصحة وطولة العمر...و تفضل تمتعنا بأشعارك يا عم احمد الجنان..ربنا يبارك فعمرك يا رب

7ntklm said...

يسرني أن أكون خلف الوميض وأن أكون من أوائل
المرحبين بـ إلانسان الذى يدخل حياتك ويأسرك ، ولا يخرج أبدا ، لديه من الحكمة و البصيرة التي لا تنفذ مطلقا ومادة للحديث تتفرع وتنسلخ مع بعضها تماما وتتدفق الرؤى والفلسفة والنوادر والحكمة والنور بغير حساب.. قدرته مذهلة للتحدث ببساطة شديدة فى أمور شديدة التعقيد في لغة سحرية مبهرة

الفاجومى احمد فؤاد نجم يشهد الأحداث عن بعد ، ولا يتجنبها أو يتقي شرها ، ولكنه يندفع ويشارك ويزج نفسه في كل قضية من قضايا الوطن ليدلو بشهادة على هذه العصور الدرامية و أحيانا المأساوية شهادة (ابن البلد) الذي لا تفوته شاردة او واردة
ربنا يخليك لينا ديماً

شخبطة ملوكى said...

عمنا ابو النجوم
منور عالم المدونات الكبير و اللى كبر بيك اكتر و اكتر
عمنا ابو النجوم تشجيع و نضال حتى بعد السبعين
مثال يحتذى به فى الايمان بفكر و الدفاع عنه ، حب كبير للوطن لا يضاهى
استاذنا ادعوك للمشاركة معنا ومع نوارة بمجموعتنا الفاجومى
http://groups.yahoo.com/group/fagoumi/
و اسمحلى اهديك الكلمتين دول

آدى مصرنا

احلى مسا .. احلى صباح ..
على عمنا .. ابو النجوم ..
على مصرنا .. على امنا ..
على حضننا .. المليان براح ..
آدى مصرنا ..
تقع .. تقف .. تاكل .. تصوم ..
ويعدى يوم .. من غير نجوم ..
ناكل هموم من غير غموس ..
وتانى يوم .. تشرق هناك ..
شمس الشموس ..

مصر دى .. يا عمنا .. بلد الطحين ..
بلد الغلابة ..و المطحونين ..
و ناس صعايدة .. واقفين ينادوا.. ع الفلاحين..
وهناك بديوى .. واقف عريس ..
وزمان خديوى .. جاب الرئيس ..
صياد وقارب .. وسارى عالى ..
رزق و جالى .. مالى الشبك ..
اكله الوزير .. يغلى السمك ..
جاب المراكب .. ويا المواكب ..
اسطول كبير .. لف البلاد ..
صاد القروش .. ظهرت كروش ..
جاعوا الولاد ..

مصر البليلة .. طبق العاشورا ..
فول بالطحينة .. وزيته حار ..
كشرى .. وبصارة .. ملوخية ناشفه ..
وناس غلابة .. وناس مناكفه ..
شاى بالحليب .. ينسون .. وسحلب ..
قامت الحكومة .. عملاله مقلب ..
حلبه و حصى .. ومعاها شيشه ..
نملى بجردل .. نمسح بخيشة ..
عيشتنا يمكن تكون بسيطة ..
عقولنا جايز تكون عبيطة ..
لكن المؤكد ان احنا لسه ..
على الخريطة ..

مصر السواقى.. وقناية سارحه ..
نملى ونغسل .. بلاص و طرحة ..
مصر الهويس ..تبن و دريس ..
السد عالى .. و النيل نجاشى ..
النخل طارح .. فوق ف العلالى ..
ترعة تنادى .. ارضي الشراقى ..
تزرع وتقلع .. تصبح .. تلاقى ..
بقرة و حليب .. وفراخ تبيض ..
وزبده سايحة .. تاكل بغاشه ..
من غير لا باشا .. ولا مد ايد ..
اصل البلد دى .. سابوها لينا ..
ماصبحش سيد مالك عبيد ..

مصر المقام .. و لسان فصيح ..
حمام مرفرف .. على الضريح ..
مدد يا طاهرة .. يا ام هاشم ..
شيلاه يا بدوى .. قال للحسين ..
قيموا الموالد .. هاتوا البيارق ..
درس العلوم .. دنيا و دين ..
فينها النفيسة .. و الست عيشة ..
مدد يا زينة البيت يا طاهرة ..
ادينى وعدى .. تقوم مظاهرة .. ضد الافاعى ..
فينه الرفاعى .. قرب لليثى ..
شيلاه يا شافعى .. تشفيلى عينى ..
اصل البلد دى ..عماها حيسي ..

مصر المساجد ..راكع .. و ساجد ..
محمل وطلعه .. وحسين .. وماجد ..
رمضان صيامنا .. وعيد ميلاد ..
فانوس وزينة ..فرحة ولاد ..
وفلوس عيدية .. خاتمة و ضحية ..
كحك ف مارينا .. اخوه ف بولاق ..
وديك و رومى .. بط و رقاق ..
فرحة لربيعنا .. شم النسيم ..
فلوس كتيرة .. وحالة جيم ..
فسيخ و رنجه .. بيكيد بطارخ ..
والكل طابخ .. و الاكله لمه ..
وناس جعانه ..اخرتها شمه ..

مصر التنابله .. و مسطولين ..
وناس بتبدع .. فن .. واصيل ..
مصر وولادها .. محفوظ .. حكيم ..
و عمرو موسى ..واحمد زويل ..
ادريس وناجى .. مختار ينادى .. على النديم ..
وست ثومة .. جايه تسلطن ..عبد الحليم ..
وعم بيرم .. بديع و خيرى ..
زغلول زعيمنا .. درويشنا سيد ..
نقوم .. نقيد .. اسامى تكتر ..
سكينة .. ريا .. سفاح بيقتل ..
ووالى خاين .. دخان بيسطل ..
مركب .. سفينة .. والبر ضايع ..
و الكل فيها ..كوكتيل طبايع ..
وناس معاها .. فلوس وياما ..
وناس عملها ..سبع صنايع ..
الكل فيها .. عنده استمارة ..
روتين بيخنق ..ختم .. ووزاره ..
وناس وشوشها بتبقى عكرة ..
وناس وشوشها ورود تسر ..
وناس بتشرب .. ازازة ساقعة ..
وناس شرابها .. حنضل .. ومر ..
وناس ركوبها .. اوتومبيلات ..
تمساحة جايز .. وخنزيرات ..
وناس اخرها .. ركوبها فزبه ..
وناس بتحضن ف اوتوبيسات ..
وناس بتلبس .. عمه و جبه ..
وناس بدلها .. بالدولارات ..
عيون بسيطة .. عيون جرئية ..
مصر الغلابة ..
جحر الديابة ..
مليون عصابه ..
عرفت يابابا .. كل الحقيقة ..
يوم ننكسر .. و نقوم نشب ..
وبعدين نقف .. نستنى يوم ..
يمكن نقب ..

طارق المملوك
21/5/2006

زكرياء said...

يا محبا بيك يا عمي أبو النجوم، يا منور حياتي بأشعارك و معلمني أحب بلدي رغم عن عين كل جبان، شكرا لك على كل كلمة قلتها و كل فكرة جديدة دخلت قلبي و عقلي...
ابنك زكرياء

زكرياء said...
This comment has been removed by the author.
اتفضل عندنا said...

والنعمه باموت فيك يا عم احمد و اما اشوفك او اسمع صوتك وشي بينور، ربنا يديك الصحه و يطولنا في عمرك...انا ديمااقول لنفسي طول ما الدنيا فيها ناس زيك كده ما بتسكتش عن الحق طول ما لسه فيه امل

متطولش علينا الغيبه

None said...

صباح الورد والفل والياسمين ..علي القمر اللي نور البلوجر والشبكه العنكبوتيه كلها

بدون مقدمات كدا انا اصلا بموت فيك وفي اشعارك من زمان ..يعني من هنا ورايح هاتشوفني هنا كتير جدا ..فرصه وجت لحد عندي اصلا :D

بجد ربنا يخليك لينا وميحرمناش منك ابدا ويديك الصحه وطولة العمر يا رب

بنحبك اوي بجد

ضد الظلم said...

والله بنحبك ياعم احمد يا بطل ياسيف الكلمه الحق يا من عاش واتسجن عشان كلمه لا


تحياتى

مصرى said...

عم أحمد منور المدونات و الشبكة كلها
ربنا يديك الصحة و طولة العمر

Mr.GEMYHOoOD said...

مبسوطة يا نوارة كنا عايزين نظبط المدونة الاول

Eno.. said...

ومن هنا هايبدأ الكلام الحلو بجد..نورت النت يا عم النجوم.. بس ربنا يستر ويسيبوها!!ـ

ايــــــــــــــــــوب said...

اهلا بيك يا عمنا
نورت ونتمنى انك تداوم هنا

أحمد عبد الفتاح said...

صباح شريف يتا ابو النجوم
بجد اناة مبسوط
الواد جيمي ده محصلش انه جرر رجليك
مبرررررررررووك

مُرَاقِبْ مِصْرِي said...

أبو النجوم الجميل مدونا... ليلتك بيضا... اللي بيدخل ف الخية دي ما بيعرفش يفلت منها يا عن الفاجومي... وصدقني هتلاقي مع الوقت متعة التدوين بقت مميزة جدا وليها مكانة خاصة يمكن أكتر من الكتابة للصحف وهتلاقيها كمان أمتع من البلاي ستيشن

اسألني أنا.... التدوين دا كيف كدة زي صنف الحشيش الإكسترا اللي لو جربته متقدرش تسلاه أبدا

ربنا يخليك يا جميل ونقرا الك ونسمع لك أحلى كلام في عيون الكلام
بس هو حتى الكلام في مصر بقى له عيون؟
اللي يعيش ياما يشوف

نهارو أبيض يا جميل

مسـتنـية الفـرج said...

كده بقي هنسمع احل كلمات عن التدوين وجنونه وشعبيته
اهلا ببطل الكلمه
حركة جريئة منك رغم ان عمرك يتعدي الواحد وعشرين(خلي السبعين دي بيني وبينك بس ابقي افتكرني بحاجة في ظل العرايس الكتير اللي بيرسموا عليك ومش عايزة اكثر قلبهم) رغم ان عمرك صغير اوى كده الا انك قررت تخوض التجربه المعروف بانها ظاهرة شبابية ؛بجد اختراق مميز منك

Mr.GEMYHOoOD said...

بصراحة داليا زيادة صاحبة النصيب الاكبر فى الجرجرة انا كنت بصقف بس

نيهاهاهاهاهاهاها

IRC President said...

صباح الورد والياسمين

spellz said...

Wooooooooooooooohooooooooooooooooooo

heeeeeeeeeeeeeeeeeeeeeeeeeeeeh

Weeeeeeeeeeeeeeeeeeeeeeee
Welcome ya Welcome

zenzana said...

مشيت لي يا فندم ف ديل الواد جيمي؟

دا ميجيش من وراه الا البلاوي
بكرة تلاقي ظبوط يشاور عليك ويقول
هاتوا المدون دا بالظبط كدة زي ما شاور علي سي جيمي هات لي الواد دا ابو شعر اللي طلع ف الجزيرة

انت جبته لنفسك استحمل بقي
غتاتت واحدة زيي
استحمل والعياذو بالله
تنظير واحد زي مراقب
استحمل بقي تنطيط جيمي
اللي هيعمل فيها انه عارف ابليس مخبي ابنه فين

كفاية كدة مش هعقدك واقولك الكلام البطيخي اياه لاني مش بحبه
بس انا سعيدة انك هتبقي هنا

ع العموم تحياتي

عارف يا سي جيمي لو شلت تعليقي؟
مفيش فسيخ ولا محشي

SaSo said...

ابو النجوم مره واحده,يابركه دعاكى
يامه
كده التدوين هيحلو اوىىىىىىىى
مرحبا بك ف وطنك التانى ياكبير

frozen love said...

احلى صباح يا عمي..لا عمنا كلنا...انا اول ما عرفت انك نورت المدونات جيت جري الحق اقولك منورنا ومنور التدوين..وقلت اقولك برضه انه لولاك انت وناس تانية كتير ماكناش هنعرف يوم نكتب الكلام الحلو ولا كان وردنا هيفتح غير على اديكم

ويا ريت يا استاذنا تبقى تنورني في مدونتي عشان تشوف اللي عملته في ولادك بقى

http://www.m-rashed.blogspot.com

تحياتي

BeLiEvEr said...

عمنا الفاجومى، نورت عالم التدوين

تصدق بالله انا من يومين كنت بدور على أى حاجة ليك على النت، و طلعت عينى بصراحة و ملقتش اللى انا عايزة،دلوقتى اول ما توحشنى، عرفت هجيلك فين

و نصيحة، متتجوزش البنت "جبهة التهييس الشعبية"اللى فوق دى و طلبت إيدك، أبوها صعب قوى
:)))))))))))

يساري مصري said...

هوا دا عم احمد ولا انتوا بتشتغلونا :D ?
اصل انتوا مشعارفين يعني ايه الكلام اللي هوا قاله و انه بيدوِّن كمان
يعني عم احمد بيقول يلا ياولاد الكلب انا معاكوا ياصابط يانتلم لكلنا في بلوه واحده
احييييييييييييه انا مش مصدق نفسي :|

بس هقول حاجه واحده
لو مصر ام الدنيا
فعم احمد ابويا هو ابو الدنيا دي كلها

بحبك ياعم احم يا عم الزمان و المكان

الدرويش المرووش said...

صباح الورد يا عم أحمد
و كل سنه و إنت طيب بمناسبة عيد ميلادك
عقبال 770 سنه


ملحوظه
خد بالك يا عم أحمد من جيمى هود
أنا سمعت إنه و العياذ بالله زملكاوى

a7lam 3adya said...

ًباح الفل والخير والياسمين عليك يا عم احمد يت تبو تانجزم ربنا يديك الصحة ويقدرك

amkasem said...

هييييييييييييييييييييييييييييييييييه
اخيرا الكلام فتح وهيشوف
نورت يا عم الكل

البتاع said...

عمنا نجم

منورنا جدا جدا جدا جدا
وربنا يخليك لينا
ايه الحلاوة دى؟؟
اهو كده التدوين يبقاله معنى

انا بالذات ليا حق عندك انا مدونتى اصلا اسمها البتاع على اسم القصيدة
ودايما بيفتكرونى ولد بسببها :-(

بس ولا يهمك ياعم
فرحتى بدخولك عالم التدوين متتوصفش
والنبى نفسى شربات عالمدونين
ولولا الملامة كنت زغرطت

سجدة said...

يا سلاااااااام
التدوين نور بالنجم الساطع
يارب دائما كده مبدع وجميل

The Alien said...

نورت ياعمنا
متعرفش أنا إتبسطت إزاي لما عرفت
تفرق معانا كلنا لما عمنا يكون وسطنا

تحياتي
وصباح الفل والياسمين لأحلي عم أحمد

Dalia Ziada said...

تلاتين تعليق في أول ليلة, لازم نحسدك يا عم أحمد

المدونة دي هاتكسر الدنيا, كفاية إن عليها اسمك

قلبك الكبير و عقلك الأكبر خلاك اخترت تكون معانا مش بس في الشارع لكن في الفضاء السيبري كمان, و دي في حد ذاتها موقف بطولي منك

تسلم يا أكبر نعمة ربنا أنعم بيها على مصر

eshteraky said...

يا دين امي نجم عمي و عم اللي جابوني مدون

كدة بفكر اغير رأيي في التدوين و المدونين....تصدق يا عم احمد مدونتك دي فرصة هايلةعشان الاشاعات اللي بتطلع باسمك اللي غلط منها نقول انه غلط اما اللي صح منها فا اعذرني مش هاحوش نفسي انا بحبك و متربيي علي كلامك و مش حسيبك.....
و رد علينا بقي كل دي تعليقات و مش عاوز ترد انت حا تتقل من اولها كدة

wanna b a bride said...

منور يا عمنا

أيوة كده يبقالنا في التدوين كبير

يا كبير الكل

soosa el-mafroosa said...

ضربة معلم دي

و انا أقول ايه النور ده

منور يا عمنا

mass said...

نورت يا عمنا

Mohamed A. Ghaffar said...

لعله خير

جيفارا المصري said...

اشطاط يا عم احمد
هو ده الكلام
بس ياريت تستمر ومتزهقش بسرعة
عشان احنا عايزينك وسطنا بجد
و ياريت تشوف البت بتاعة جبهة التهييس الشعبية دي و تخلي ام زينب تظبطها و تدلقها هي من البيت بسرعة عشان البت دي بقت خطر علي الامن العام
منور يا عم فاجومي

عماد حبيب said...

أجمل ما حدث في عالم التدوين منذ زمن

صباح الفل يا عم أحمد


أنا تونسي و عايش في فرنسا،
بس موش هعتبر نفسي ضيف، أنا مصري زي بيرم و أكثر
:)

بركاتك يا فاجومي

و شكرا لداليا و كل الي شجعك عالفكرة

ياليتك كنت معانا يا كريم يا عامر

Mr.GEMYHOoOD said...

العيال زى ما يكون ماصدقوا

هههههههههههههه

karakib said...

أنت بنفسك هنا !! و اللهي لولا أني جاي من عند نوارة ماكنتش صدقت
شوف بقي يا عمنا .. انت نورتنا
يعني وجودك وسطنا ده بجد بجد من غير كلام متذوق حاجة جامدة جدا

الديليكون said...

عم أحمد فؤاد نجم بذات نفسيته
يا ألف مرحب بيك يا في عالم المدونين وعلي رأي الكل أهو كده بقالنا كبير هنا يا بشر

متعرفش احنا بنحبك قد إيه يا كبير بجد

تحياتي

ehna said...

ألف مبروك يابو النجوم ياكبير البر والبحر والنت..ألفين تحيه وسلام لجيمى وداليا والبرماوى.وجبهة النهييس الشعبيه ،تنظيم تنظيم وحزب حزب،بس بلاش أم زينب والنبى ياجبهه.خلينا فى الوطن وكده.الله ينصرك على كل الأعداء الحاليين والمحتملين ونهارك زى قلبك ياعم أحمد....دنيا

ehna said...

عم احمد فؤاد نجم كبير الشراقوة فى بر المحروسة وانجب شعراء المحروسة وفارس فى زمن ذهب المعز يأخذ بعقول المتشاعرين .. يبقى الفاجومى وحده نسمة عليلة فى زمن القيظ الفاجر اللعين ... تسلم ياعم احمد متمتعا بذهنية صافية وقلب ابيض ... عاش الفاجومى

ehna said...

عم احمد فؤاد نجم كبير الشراقوة فى بر المحروسة وانجب شعراء المحروسة وفارس فى زمن ذهب المعز يأخذ بعقول المتشاعرين .. يبقى الفاجومى وحده نسمة عليلة فى زمن القيظ الفاجر اللعين ... تسلم ياعم احمد متمتعا بذهنية صافية وقلب ابيض ... عاش الفاجومى
***
عصمت النمر

alzaher said...

نورت فضاء التدوين يا عم أحمد ويا ريت تحط كل قصايدك الجديدة على هذه المدونة وخاصة قصيدتي "عريس الدولة"و"ميجانا" المهداة إلى السيد حسن نصر الله
ودمتم

mitar2a3 said...

nawart ya kbeeer

الأباصيرى said...

ياااااة
أبو النجوم فتح مدونة ياجدعان

بجد نورت النت يافاجومى

ربنا يديلك الصحة
وتصرخ بصوت الشعب المقتول

مستنيينك هنا دايما
أوعى تغيب عنا

Ahmed Fouad Negm said...

هو أنتو لسه شفتو حاجه يا عيال
استنونى قريب ع الهوا
والجدع فيكو يبقى يطلع لى ع الهوا
وهاندردش فى المخروبة دى واللى هايجى على دماغنا هانقوله وكل واحد منه لله
سيبونى بقى أشوف الماتش
نهاركم فل يا أخلى حاجه فى مصر

البتاع said...

انا اول حد امسى بعد التضبيط الاخير لشكل للمدونة

احب اقول هنا البتاع
بيدحرج التماسى

... الـبـتـاع ... said...

منورنا جدا و الله
و زباينك اصلا على البلوجر كتير (ولا مش باين!)

منور و الله ، و هاتبقى فرصه جميله جدا جدا جدا للتواصل مع ناسك


تحياتى بشده

Xee said...

منور يا أجمل نجم

يا عم أحمد يا كبير

يا رب بس متزهقش مننا بسرعة

مطولش غيبتك يابو النجوم

kmam said...

يا عم احمد يا جميل
نورت الانترنت كلها بعد ما نورت حياتنا بكلامك الحلو و افكارك اللامعه
كل حبي لك
و كل شكري و تحيتي للشباب اللي قدروا يخلونا نتواصل معاك علي النت و احنا بره مصر

دماغ ماك said...

و انا كمان على رأي نوارة برضه معجب بحضرتك من زمان
انت شرفتنا و نورتنا و صحيح انت جديد في التدوين
بس كعادتك برضه هانتعلم منك كل حاجة
عايز اقولك ان كل اللي هنا بيحبوك بجد و بيحترموك بجد
هاستنى درس التدوين الاول منك
سلام

Sarah said...

والله انا ما سامعة ولا كلمة من الفيديو
بس انا بحب حضرتك جدا جدا جدا جداجد اجداجداداجداجدلجداجداجدجادجداجدا كتير اوى يعنى ، بس مش عارفة اقولك ايه تانى ؟
آه ومبسوطة بجد انك عملت بلوج علشان الواحد يتابعك كويس

reri said...

أنا مش مصدقه
نجم في المدونات
ده إيه ده
دي بينها هتحلو أوي
وهتروق أوي
الفاجومي معانا كده
يا سلااااااااااااااااام

سلاماااااااااااااات يا عم نجم يا كبير

Bahaa said...

صباح الفل علي عمنا وعم الملاييين بجد منور ياعم الناس كلها ربنا يديك الصحه

moneer1988 said...

الف مبروك علينا كلنا
كده الحكومة هتتعب معانا اوى
يا ويلكم مننا
اهلا بيك يا عم نجم نورتنا والله

Asad said...

البلوجسفير نور يا عم أحمد يا بلطجي

بس كدة راحت على الجماعة بتوع مدونات بلا بذاءات ومدونتي نظيفة جميلة متطورة

البذاءة ذات نفسها عملت بلوج

بحبك يا عم أحمد والله

ههههههههههههههه

عـلا - من غـزة said...




!!!! لااااا مش معقول

!!!! الاستاذ الكبير أحمد فؤاد نجم


لا احنا كدة يبقى نعتزل ونقفل مدوناتنا ونقعد في البيت

ههههههههه

الف مرحبا ,, واحنا بنتابعك يا شاعر يا كبير

وبوصلك تحيات الناس اللي حواليا كلهم كلهم

تحياتي

Abu Lahab said...

الحبيب أبو كل الحزانى العرب

تحياتي وأجمل الأماني لك بالصحة
والعافية لتبقى شوكة في كل من استحق شوكة في عينيه من أعداء المسحوقين في كل مكان

أبو لهب

fanan fa2eer said...

ايه ده ياعم فاجومي ده
لا لا لا مش معقول
عم فاجومي دخل عالم التدوين؟؟؟
منور شبكة الانترنت كلها وأنا أقول الشبكة منورة كده ليه؟
أتاري الأستاذ الكبير هنا
انت كده هتخلينا نقفل مدوناتنا
ربنا يخليك ويطول في عمرك وتتحفنا بأشعارك علي طول

.:.-=- ELGaZaLy-=-.:. said...

ops

ضربة معلم دى بجد رهيبة اوى اوى اوى

انا فرحان جداااااااا

ان حضرتك هاتون معانا وكدة...

فعلا يا جيمى كلنا ما صدقنا

Anonymous said...

فعلا صدمه حضاريه يامعلم اذ افوجىء فجاه كده عمونا بيدون يالهوى ياخراابى و3 احيييييييه
صدمه جميله ياسيد الناس
منورررررر
بصراحه انا منبهظ بيك يامان
ربنا يطولنا فى عمرك
بس محدش حذرك من موضوع التدوين ده !!؟
فكر شويه مش حتبقى مدمن الا بعد تانى تدوينه
طولت عليك انا
سلام
كيمو/البحر

shahy said...

ربنا يديلك الصحة وطولة العمر ياعم احمد
واشكر كل من ساهم في انشاء المدونة ومستنين الابداع
ومبروك علينا

سلام يا عمنا

Cluster One said...

نورت التدوين

Laila said...

أنا فرحانة مثل كل

الفرحانين

اللي شايلين شوق لفكرة

و اللي حاملين هم بُكرى

و اللي معدتهم جعانة

و اللي كلمتهم أمانة.


أبو النجوم نلاقي عندكم مكان شاغر

و لو وقوفاً مش مشكلة

لأن ماشاء الله الزوار كتير.

شكرا لجيمي و لنوارة و لكل من ساهم بعمل البلوج

بس ملف الفيديو مش بيشتغل؟!

oOo_Mariam_oOo said...

و كلنا بنعشقك يا أحلب أب و أعلى نجم في الدنيا....

منور انت يا عمي و دلوقتي نقدر نقول ان التدوين دخل مرحلة جديدة :):):):)

monBYH said...

نورت يا عم احمد
يا عمنا كلنا
تحياتي بالاوي..

محجوب عبد الدايم said...

يا حلاوة يا حلاوة!! دي ظاطت قوي

و احنا كمان بنموت فيك يابو النجوم يا كبيرنا

أيوة مش هنسيبهم... مش هنسيب

اخر من الاخرين said...

منورنا يا كبير اوي اوي اوي اوي
و واحشنا والله مع اننا مع اشعارك كل يوم.
اتجمعوا العشاق في مدونة الفاجومي
صباح الفل

معتز said...

يا سلام اخيرا يا عمنا كلنا اسعدني جدا خبر انضامك للمدونين فعلا حاجه تشرف وكلنا فخورين بيها ويا ريت نشوفك عن قريب في احد اللقائات ان شاء الله

Mirage said...

اهلا يسك ياعم احمد فى عالم التدوين

انا مبسوط قوى ان انت بقيت معانا

ربنا يخليك يارب ويطول فى عمرك

كلنا بنحبك

ميشيل حنا said...

ألف مبروك المدونة يا عمنا.
نورت النت كله.
:)

mesho said...

اهلا بيك يا اجمل شاعر في مصر في عالم التدوين اللي هيجننا

Mico Mark said...

الفاجومي مدونا !!!! يا للهول

بما ان الكبير كبير يا عم الكل

فسنعلن سموك كبير كبرات التدوين

ونقول اللي انت عايزه في المخروبة وزي ما تيجي وكله لازم يقول

قول بقى يا عمنا يا كبير

احتراماتي

semsem said...

يا لهوى على النور يا جدعان
منور يا عمنا
اهلا بيك فى عالم التدويت
:)

koukawy said...

مساء الخير يا استاذ احمد
هو صوت المدونه مش واضح اوي
بس انا قلت اسلم
و اقولك اني كنت كاتبه مدونه من شهرين بعنوان كلب الأمير
مستخدمه فيها جزء من القصيده بتاعتك بتاعت كلب الست
يا ريت تبقي تزور العشه عندي و تقراها
هي تقريبا من شهرين مكتوبه

KHALED-ELSAWY said...

مساء الفل يا أستاذنا.. لن تتخيل سعادتي بأن أراك في ساحة الفضاء الافتراضي .. أنت انت كما عودتنا.. الأكثر شبابا وحضورا وبريقا..
ربنا يديك الصحة وطول العمر عشان تفضل تبهرنا دايما..
عارف انت مين يا عم نجم؟ انت ابن البلد اللي في قصيدتك عيون الكلام.. انت اللي دايما الوقت وقتك.. انت الولد.. يا ابن البلد:)
سمو عليكو
ابنك (أو ابن أخوك عشان ما اكبركش) خالد الصاوي

Anonymous said...

صباح شريف ابيض ونضيف
انا لسه عارف دلوقتي من المصري اليوم عن المدونة الف مبروووووك وعقبال متنورهلنا بشعرك الجميبل...............

MaZaGnGy said...

Abo el nogoom ... mabrouk 3al blog,
we 3ayzeen neshofak .. we nesma3 kalamak el molhem..

جبهة التهييس الشعبية said...

آبا

انت فين

كل ده الماشت لسة ما خلصش؟

Anonymous said...

عمنا اهديلك الحتة دي من شوغلي انا يا راب تعجبك
الله عليكو يا عرب يامجدعه وعتـــره
عالظلم مش ساكتين ودي حاجة بالفطرة
بتردوا عالظالمين بالقوة والكثرة بتردوا تاني القدس وترجعولنا البيت
واقف معـــاكو ايدى بئيدكو ماتهزيت
وفجاءه احس بساقعة معرفش مصدرها؟
واصحا والاقيني...... نايم وماتغطيت

عمرو القصيري

micheal said...

ألف مبروك أن حضرتك نورت عالم التدوين لان ده بجد حيديله شكل مختلف تماما
تحياتي لك و تمنياتي لحضرتك بالصحه و السعاده

Anonymous said...

مساء الجمال يا عم أحمد
النت نور يا حاج
تعرف انا فكرت جديا ناو
انى أعمل مدونة بجد

ateto said...

نورت يا عم احمد

قصاقيص said...

منور ياعمنا
......................
طده بقي الواحد يرفع راسه ويقول "أنا مدون"..مادام عمنا نجم شرفنا
...............
بجد بجد بموووووووووووت فيك

نقطة مية said...

سيدي كبير المقام نورت عالم التدوين و دايما في تألق يا استاذنا

W O R D S said...

نورت يا عمنا ..
يابو النجوم يافجومي ياللي لما بتتكلم مابتخليشي ..

ربنا يديلك الصحة يا عم نجم و يبارك فيك يارب
و يديلك طولة العمر لما تشوف البلد دي و هي بيتحقق فيها كل اللي حلمته و تقوم بقى مصر و تشد الحيل بيك و بالورد اللي فتح في جناينها !
آماان آماان نجم افندي !

Anonymous said...

أهلا وسهلا بك على الانترنت ،
في الحقيقة لا استطيع وصف سعادتي وانا امر بموقع تفاعلي للفاجومي ،
قرأت لك اول مره من حوالي 6 سنوات ، عندما اهدى عمّي لعائلتنا مجموعة من كتبك ،
الاعمال الكاملة / وغيرها...
قصيدة احبها كثيرا هي ( جيفارا مات ) ربما لان هذا الثائر العظيم شخصيتي المفضلة ،
واتطلع اليه كثيراً ،
انت ايضا ثائر بقلمك ...

ربنا يحرسك

هيفاء من السعودية
Http://hayfa.wordpress.com

wa7dania said...

بسم الله
والدي العزيز
أبو النجوم
مش عارفة أقول غيه
سعيدة جدااااااا
إن حضرتك معانا دلوقت
و مبسوطة أوي غن حضرتك بترد كمان على التعليقات
أنا بحب حضرتك جدا
جدا
ربنا يديك الصحة ويديم عليك نعمة حب الناس دايما يا رب
سلام عليكم
منى المحمودي

brastos said...

سلام للعزيز الغالي..

kafoory said...

يا عم أحمد يا لسان مصر الحرة
صباحك مصري مستنير عصري
واصل لناسك زي الناسك
والتواصل مش نت واصل
دا أنت حاصل مش تحصيل حاصل


أنا مرة كنت كتبت مطلع وماتنيتش عليه تسمعه يا عم نجم

مصر يا ثكلى يا فاقدة عيالك
روحهم فيهم ماتوا قبالك

مش ده زمنه يا عم نجم
عادل الكفوري
معماري مصري

sherif said...

ايه رأيك يا عم احمد في المدونة بتاعتي اللي كلها مقاطع فيديو فقط
http://arab2030.blogspot.com/

kafoory said...

أمس البارحة علمت من الست والدتي العظيمة ان برنامج العاشرة بتاع قناة دريم عمل حاجة رائعة علها تكون الحسنة الوحيدة للست المحترمة منى مذيعة البرنامج اللي تسامحني مبطيقهاش بدون تفسير, ولكن لجل الورد ياعم نجم ياورد بشوكه على اكليل جبين هامة الشعرا العاميين منهم والخاصيين -الفصحى يعني- يتسقي العليق يا ست منى, قعدت واتفرجت ورحت رحلة وصيفت واتمتعت وغسلت همومي واتهزيت مش من الذكريات حلوها ومرها ولا الشأن الداخلي لا أبداً لاكين زيك يا عم نجم تمام لما جت سيرة المعبر الصورة الرهيبة اللي فهمتها من أول ما ولاد عمنا أعلنو الانسحاب آل ايه من طرف واحد من غزة, ومن ساعتها وانا عارف النتيجة والفخ المرسوم, المهم وزي ما الفلاحين الطيبين بيقولوا الشاهد, والشاهد كان أنا, ما أروعك, صحيح لسة في ناس ولسة مصر ولادة, عموماً مبروك علينا المدونة, قصدي المكنة بتاعتنا كلنا, الواسعة أوي اللي تساع من الحبايب ملايين, ونفسي أشوفك في اسكندرية يا عم نجم
http://kafoory.blogspot.com/

kafoory said...
This comment has been removed by the author.
Nostalgia said...

أنا حبيت أسلم رغم أني جاي متأخر اوي ..بس معلش بقا.. قلبك كبير يا عمنا ..
نورت النت والتدوين ..

Anonymous said...

ya3ny ana adfa3 nos 3omry we a3od ma3ak ya 3am negm
Rocky

weswes said...

منور يا ابون نجوم مصر كلها
وحشتنا يا شرقاوى اوى اوى
ويا رب ما نتحرم منك ابدا

mido said...

ياعم نجم انت جميل بذيادة
وأنا بحبك جدا قوى خالص
ونفسى اشوفك مع واحد اسمه وجيه عزيز مش عارف ليه
حاسس انه شبهك
يمكن تكون احلام يمكن تكون اوهام انما يمكن تكون .....
وبعد حلقة العاشرة مساء اشتاقت اكتر انك تتعرف على اخينا ده اللى اسمه وجيه عزيز
واد جدع ويعجبك ياعم نجم
ويااااااااااااااااارب نسمع عنك كل خير وتفضل انت رئيس مجلس ادارة السطووووح

أحمد فيصل said...

عمنا الجميل
جنايني الورد اللي بيفتح في جناين مصر..!
كل ما آجي اكتب الكلام يطير ما تعرفش بيطير فين..
انا اعرف ناس كتير من ناسك.. أعز اصحابي الواد "محمد علي" ابن بنت عثمان نجم.. وابن خاله يحيى زكريا نجم الشاب الجدع النضيف اللي ضحى بمنصب سكرتير سفارة في حب مصر.. سألت "علي" السؤال ده كتير جدا: إيه الفرق بين دمكم يا نجومة وبين دم الناس العاديين..؟ ايه سر عشقكم للمعتقلات والمظاهرات والموت نفسه..؟ مصر عاملة فيكم إيه..؟؟
السنة اللي فاتت وانا رايح المصيف لقيتك معايا ف نفس القطر.. بجلابيتك الرمادي وشعرك الدريسي الابيض.. قلت سلم عليه يا واد.. وبعدين رجعت وقلت: طب أقول له إيه..!؟
كان عندي كلام كتير لكنه طار برضه مع الكلام اللي كنت ح اقوله دلوقت..!!
ربنا يبارك لنا ف عمرك يا اللي علمتنا معنى مصر...
ابنك
احمد فيصل

توتة توتة said...

صباح الفل

مواطن زهقان said...

عم احمد
يانجم
والله طول عمرك نجم الغلابة حتى
انت رمز للطيابة

http://resalamisr.blogspot.com

ashraf said...

ابو النجوم ازيك يا عم نجم انا سمعت انك منور اسكندرية

اهلا بك فى عشقك الاول

ايمان said...

عمنا الفاجومى الكبير أنا بنتك ايمان المدونة جامدة جدا و انت و امام حالة غنائية رائعة و حالة وطنية فريدةمن نوعها. عايزينك تغنى لنا تانى عشان تدينا أمل. و انت ليه مش بتكتب فى الدستور زى الأول؟
ايمان هارون

themyth said...

انا معجب بيك جداااااا و نفى ارجع زمان و اعيش معاك ايام الكفاح و ليا طلب يا عم احمد يا كبيرنا ان تعيد غنى القصايد بتاعتك لاان بصراحة احنا متفقدين الشيخ امام لما كان بيغنى كلاامك و انا بطلب من حضرتك ان تعيد توزيعا و ممكن تخلى منير يغنيها من تانى

سمير الإخوانجي said...

صباح ومساء الفل عليك يا عم أحمد يا فاجومي قد تتعجب أن هناك من الإخوان المسلمين من يتابع عم أحمد ولكني باعشق أشعارك من زمان قوي قوي وبتابع كل حاجتك وألف مليون مبروك على المدونة وإلى مزيد من التألق ويجمعنا دايماً حب مصر والعمل النضالي من أجل حرية الجميع .

ronel_elswda said...

تسلم ايدك ياطيب يا ابن مصر الطيبة

كلامك عالعين والراس ربنا يديك الصحة وطولة العمر يارب

Anonymous said...

عم أحمد: إنت اللي كتبت قصيدة "حجيبلك جمال" واللا مين؟
سؤال

TAFAHA said...

عم احمد مكنتك دي احلى مكنة عالشبكة كلها
وان شاء الله عيلة نجم تسطع في سماء الشبكة ان كان منك ولا من بنت حضرتك ومصر كلها في ريحك
سلام يا حج يا حبيب مصر كلها

Ahmed Elsabbagh said...
This comment has been removed by the author.
Ahmed Elsabbagh said...

يا قمر مصر الكبير المنور
يا ورد مصر الجميل المزهر
يا لمحة من زمن حلو فى زمان أغبر

ياعمى وعم عيالى اللى لسه فى الغيب
وانا لسه مستنظر

ياعم نجم ياللى ساكن فى روحى وكيانى

ياعم نجم
ياللى حروفك بتنسينى احزانى

ياعم نجم
ياللى اشعارك بلاقيها كل مرة
فى الضلمة مستنيانى

يا عم نجم
ياللى لما بشوفك بتتكلم وتحكى
برجع احب مصر تانى

أبنك أحمد الصباغ
http://ahmedelsabbagh.blogspot.com/

kem198027 said...

عمونا الكبير قوى احمد فؤاد نجم
نجم و الله من يومك
ساعات الواحد بيحسدك و يتمنة يعيش الحياة الى انت عشتها
المهم انا لما بسمعك بحس بمصر الى قربنا ننساها
مش عاوزك تسكت و املا الدنيا كتلبات و كلام
هو فاضل لينا غير الكلام

Anonymous said...

ma3aleech ana ma3ndeech arabic letters fee keyboard .
"Wahabt 3omry leelamal wala Gueshi!
Wee ramart Rhity Beel3araa maa3atchi!
Wee raa3eet leemahboubi haweh marar3achi!
wee leel 3alaya taweel wana el3alil
maougoud daweh bas eetabeeb maradachi!"Negm" da kalamak
ya kbeer. we zai maatoulou fee masr..
eely malouch keebeer yechteerilou kbeer.
wenta kberna, we habibna.rabna ykalik. wee y 3ayeechek
Ahna etwensa nhebouk mahaba kbira
"Chaachaeet we ennour bacheyer bacheyer, Zahret essabar ya Salma"

Salma men tunisia

Anonymous said...

عم نجم انت فلاح مصري بكل عبلة وعراقتة وعقلية وامل فليسوف قمة في التمدن والتحضر والمنطقية ربنا يديك الصحة

Barrak said...

الفاجومي
من اشعارك نحس بالمواطن البسيط
المواطن العربي المغلوب على امره
انت رمز لنا
ببساطتك
بجرأتك
بتواضعك
ربي يحرسك

Anonymous said...

أتمنى من ربنا انك تقرا الكلام ده أنا من إسكندرية.....كان نفسي والله يكون ابويا زيك كده لان احنا محتاجين زيك كتير اوي ربنا يباركلك في عمرك وصحتك ويجازيك بأعملك ونيتك خير خير خير كتير إن شاء الله...ومش هقولك عم فاجومي هاقولك يابا....ولايا بابا

نوة خريف ورياحها قاسية مغربة
ريحها غدر ضرب الشجر وسقط الورق
على أرض سودا متربة
ومات الورق وساب الشجر مكشوف
وقف الشجر من غير ورق
طول النهار مكسوف
وبالليل طل القمر فوق الشجر
ورماله فضه ع الغصون
وضحك القمر في عز مالشجر محزون
قاله الشجر على ايه بتضحك ياقمر
قاله في جنينة تانية ياشجر
شجر أخضر ورقه مات
ورفض يقع وقاعد يألف في حكايات
عذب غصونها ياشجر ورفض يقع
مش سامح حتى للغصون بالذكريات
هو كده يحب كله يتختم بنسر السكات
وبضحك من حزني على كل غصن ينكسر
يمكن يغور الورق لكن أخاف
يقعد لحد مالشجر يبقى رفات
لكن أقوله ياشجر العيب عليك
علشان أليف
العيب عليك ياشجر علشان ضعيف
سن غصونك ياشجر على الحجر وابقى مخيف

islam00@yahoo.com

Anonymous said...

حبيبي و أخويا و صاحبي و عم و عم الكل عم أحمد
إنت عارفني و لا لأ يا راجل إنت ؟؟ يانهار إسود إوعى تقول إنك ماتعرفنيش .. ده أنا بقالي 25 سنة و أنا عايش بكلامك و أقول لنفسي ياواد ده عمك أحمد يعرفك كويس و الدليل إنه بيعبر عن كل اللي بيدور في رأسك .. ربنا يكرمك يا عم أحمد و عايز أقولك كلمة نفسي أقولها لك من زمان.. أنا بعتبر إن الجملة بتاعتك ( قصرك المسحور غيلانه ... أغبى من دود الغيطان .. بعد مص الغصن الأخضر ... ينحتوا في عضم العيدان
أنا بعتبرها أبلغ صورة شعرية كتبت في أي يوم من الأيام ، حبيبي يا عم أحمد

Anonymous said...

و كمان عايز أقولك يا عم أحمد ، أنا عايش برة مصر و نفسي أكلمك
الإيميل بتاعي هو khaban@gmail.com
ياريت ترسل لي إيميلك

Anonymous said...

منوّر النت و البلوجز يا عم أحمد
ربنا يديك الصحه يا مصري يا أصيل


medzi

Noha El-arabi said...

منور يا فاجومي يا جميل اوي

Anonymous said...

انا اسمى نور الدين احمد فؤاد نجم انا بحبك جداااااااااااااا اوى اكتر من نفسى دا ائميلى noor_77892hotmail.com

Anonymous said...

ممكن اتكلم مع اتكلم مع حضرتك شوى
دا ائميلى noor_7789@hotmail.com
وا http://noorsss.blogspot.com/دا موقعى

antique equestrian prints said...

black mold exposureblack mold symptoms of exposurewrought iron garden gatesiron garden gates find them herefine thin hair hairstylessearch hair styles for fine thin hairnight vision binocularsbuy night vision binocularslipitor reactionslipitor allergic reactionsluxury beach resort in the philippines

afordable beach resorts in the philippineshomeopathy for eczema.baby eczema.save big with great mineral makeup bargainsmineral makeup wholesalersprodam iphone Apple prodam iphone prahacect iphone manualmanual for P 168 iphonefero 52 binocularsnight vision Fero 52 binocularsThe best night vision binoculars here

night vision binoculars bargainsfree photo albums computer programsfree software to make photo albumsfree tax formsprintable tax forms for free craftmatic air bedcraftmatic air bed adjustable info hereboyd air bedboyd night air bed lowest pricefind air beds in wisconsinbest air beds in wisconsincloud air beds

best cloud inflatable air bedssealy air beds portableportables air bedsrv luggage racksaluminum made rv luggage racksair bed raisedbest form raised air bedsaircraft support equipmentsbest support equipments for aircraftsbed air informercialsbest informercials bed airmattress sized air beds

bestair bed mattress antique doorknobsantique doorknob identification tipsdvd player troubleshootingtroubleshooting with the dvd playerflat panel television lcd vs plasmaflat panel lcd television versus plasma pic the bestThe causes of economic recessionwhat are the causes of economic recessionadjustable bed air foam The best bed air foam

hoof prints antique equestrian printsantique hoof prints equestrian printsBuy air bedadjustablebuy the best adjustable air bedsair beds canadian storesCanadian stores for air beds

migraine causemigraine treatments floridaflorida headache clinicdrying dessicantair drying dessicantdessicant air dryerpediatric asthmaasthma specialistasthma children specialistcarpet cleaning dallas txcarpet cleaners dallascarpet cleaning dallas

vero beach vacationvero beach vacationsbeach vacation homes veroms beach vacationsms beach vacationms beach condosmaui beach vacationmaui beach vacationsmaui beach clubbeach vacationsyour beach vacationscheap beach vacations

قلم رصاص said...

يكفيني أسجل حضوري معاك يانجم النجوم

ومش هقول انا مش مصدق بوجودك هنا
لأني باختصار مصدق

ولأن ده اللي مفروض يكون من زمان يانجم النجوم

تقبل تحياتي يافاجومي

Romancia said...

ياااااااااااه انا مبسوطة اوى انى عثرت على مدونة حضرتك واكيد نتابع
حضرتك علطول وصباااح الورد

The sword said...

مساء الخير يا استاذنا منور والله البلوجر والنت كله وانا معجب جدا بيك

حسام من دمياط

Anonymous said...

انا ليا سؤال لأحمد فؤاد نجم هو انت كنت بتشتغل عربجي قبل مهنة الشعر دي؟

Anonymous said...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品

A片,A片,A片下載,做愛,成人電影,.18成人,日本A片,情色小說,情色電影,成人影城,自拍,情色論壇,成人論壇,情色貼圖,情色,免費A片,成人,成人網站,成人圖片,AV女優,成人光碟,色情,色情影片,免費A片下載,SEX,AV,色情網站,本土自拍,性愛,成人影片,情色文學,成人文章,成人圖片區,成人貼圖

情色,AV女優,UT聊天室,聊天室,A片,視訊聊天室

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

元美女 said...

(法新社a倫敦二B十WE四日電) 「情色二零零七」A片情趣產品大產自成人電影AV女優十三日起在倫敦的肯辛頓奧林匹亞展覽館舉行,倫敦人擺脫對性的保守態度成人網站踴躍參觀,許多成人網站穿皮衣與塑膠緊身衣的好色之徒擠進這項世界規模最大的成人生活展,估計三天展期可吸引八萬多好奇色情影片民眾參觀。
情色電影
A片下載動計畫AV負責人米里根承諾:「要搞浪漫、誘惑人、玩虐待,你渴望的我們都有情色。」

他說:「時髦的設計與華麗女裝,從吊飾到束腹到真人大小的雕塑,是我們由今年展出的數千件產品精選出的一部分,參展產品還包括時尚服飾、貼身女用內在美、鞋子、珠寶、玩具、影片、藝術、情色圖書及成人影片遊戲,更不要說性愛輔具及馬術裝備。」a片下載

參觀民眾遊覽兩百五a片十多個攤位,有性感服裝成人電影、玩具及情色食品,迎合各種品味。
av女優
大舞台上表演的是美國野蠻情色電影搖滾歌手瑪莉蓮曼森的前妻─全世界頭牌脫衣舞孃黛塔范提思,這是她今年在英國唯一色情一場表演。

以一九四零年代風格演出的黛塔范提思表演性感的天堂鳥、旋轉木馬及羽扇等舞蹈av

參展攤位有成人影片的推廣情趣用品,有色情的公開展示人a片體藝術和人體雕塑,也有情色藝術家工會成員提供建議。

محمد أنور أبوزكرى said...

http://elabaadeya.blogspot.com/
أنا محمد أنور أبوزكرى حد يادوب تقدر تقول إن هو يادوب بيكتب نفسه مره يكون بيكتب لجل مالبشرية تسمع الحياه يا مصر للى حلمه يكون بإيده مش تقولى حلم نفسى القاه فى يوم حقيقة
بجد يا نجم أنا نفسى أقابلك بجد لأنى حاسس إنى ممكن أكون إمتداد ليك بس لو نجم هوا اللى وجهنى
مدونتى فوق وأرقامى عليها يمكن يتجمعوا العشاق

عزيز عبدالله said...

كوكب ونجم
نجم ومصر
بحب موت حبك لمصر
يارب طلع اجيالنا زيك
ويحبوا مصر ويصونوا مصر
ويقولو كلمة حق لبلدهم
زيك تمام يافؤاد يانجم
رغم اختلافى لكن تلاقى قلبى بيحبك
يافؤاد يا نجم
دمك خفيف جسمك ضعيف
اكن بشعرك سويت كتير
حفرت اسمك فى حيطة بلدك
وكله عارف مين يبقى نجم
نجم اللى ضحى
نجم اللى قال
نوارة بنتى

همسه said...

واحنا كمان
بنحبك
يا
شاغل قلب مصر
وساكن
قلبنا

مصر اللي في خيالي said...

اسمحلي احيي حبك لمصر .. مع إنها أتغيرت و كبرت و عجزت .. و ماعدتش مصر بتاعت زامان .

دي اول مرة اكتب فى مدونة .. ربنا يستر :)

ديموقراطية - ديموقراطية
شعارات وهمية و خيالية

أزاي نحلم يوم بـحاجات
عمراها ما هتصبح واقعية

إن الريس يوم يتنازل
و يسيب العزبة الأبدية

و انتخابات قومية نزيهة
تشرف فيها لجان قضائية

ينجح فيها مواطن عادي
يحكم بنزاهة و شفافية

و الوزارات هتشوف أشغالها
و تقول لنا بيانات حقيقية

و السيد مطحون المصرى
يتعامل بطريقة آدمية

و المعتقلات تقفل أبوبها
والزنازين تتملي حرامية

بالذمة أزاي كل ده يحصل
فين عقلك يابني أنت و هي

فوقوا من الاحلام الوردى
و اشربوا بق من الحنفية

هتلاقوا طعم المية غريبة
- بكرة هتصبح حاجة عادية

ولا فيه عيش ولا فيه بوتاجاز
- ماشيه بستره و متقضية

ولا فيه علاج ولا فيه تعليم
- تعليم ليه،يطلعوا حرامية

المشكلة في الشعب المصري
انه مهاود و أنه مطية

يطلع بقى واحد ويقول
عوزين مصر ديموقراطية .

Anonymous said...

انتا فيييين يا عمنا، طمنا طب بس عليك؟

CIZIEFAIAD said...
This comment has been removed by the author.
CIZIEFAIAD said...

i love you ya 3m ahmad ane fe baljika wnaby ed3elna bokrah elgom3ah ana 3aref enk mabetsalysh shabhy bas wemaloh yemken noshof wesh gdeed love you moubark hayghor zy manta oolt

جنوبية said...

يا عم نجم انا سمعتك مرة بتقول ان في لبنان حسن نصرالله نبي وانا بقولك في مصر انت نبي

مطنش said...

مشكووووووورين

العاب سيارات
hguhf
العاب فلاش 2014
العاب فلاش