Sunday, June 3, 2007

و أدي كمان بوست عشان الحبايب




أنا سعيد بالعيال اللي ردوا عليا كلهم, و حسيت إني كده متونس, لكن متورط و إن كنت يا ابن والدي منتظر مني أكلمك كل يوم تبقى بتحلم! لكن كل ما اقدر حنتكلم سوا مع بعض, أنا اقدر أقولكم حواديت مصرية .. أنا عشت الحواديت دي و شوفتها بعنيه .. شوفت المصريين و شوفت مصر .. و هي حتى تحت الاحتلال الانجليزي كانوا أشقائنا العرب مسمينها أم الدنيا و كانت فعلا أم الدنيا , كانت أم الفن العربي و أم الموسيقى العربية و أم المسرح العربي و أم السينما العربية

و مصر دي الخديوي إسماعيل خلاها تاني دولة في العالم تدخلها السكة الحديد بعد انجلترا و تاني دولة يدخلها كرة القدم بعد انجلترا و التلغراف و البوسطة استخدمت من زمان, الخديوي إسماعيل باشا .. أفندينا كان عنده مشروع الدكتور محمود قاسم أيام الانتفاضة الطلابية لما شتمت الخديوي إسماعيل قالي ليه أنا بحبك و قام حاكي لي الحكاية دي قالي أنا أبويا كان في الدفعة الأولي من البعثات اللي بعتها أفندينا أوروبا لبناء الثقافة الحديثة و كل يوم الساعة 8 أفندينا بجلالة قدره كان بينزل يقابلهم في الفندق واحد و احد , ما اتصورش دلوقتي إن ده ممكن يحصل أو إن حد عنده مشروع دلوقتي

قالوا يا جحا بيت أبوك بيقع قال أما الحق أخد لي طوبة. كام مصري دلوقتي بيشتغلوا بالمنطق ده؟ اللي بيطول حاجة بيخطفها و اللي بيخطفوا كتير قوي و يهربوا كمان, و إحنا لسه بنلاقي العيش, هي دي مصر. شوفوا صلاح جاهين "بحبها و هي مالكة الأرض شرق و غرب و أحبها و هي مرمية جريحة حرب" احنا دلوقتي مرمية جريحة حرب مصر دلوقتي مرمية جريحة حرب الله يرحمك يا صلاح ..

احنا بنقول الكلام ده ليه, تعالوا نتكلم بشجاعة و أكيد حنوصل لحل لأننا أصحاب البلد دي, الحكومة حكومة الحزب الوطني كانت متعاقدة على بيع 120 ألف مرة مصرية للسعودية و اللي كان مشرف على ده وزيرة الشئون الاجتماعية فيه إهانة اكتر من كده إيه؟ و بعدين باعوا البلد حته حته أخر صفقة بتاعت الإمارات باعو ارض العاصمة عشان يعملوا مجمع صناعي

العاصمة دي هي اللي انخبل بيها السلطان سليم الأول اللي قال "هذا الجمال يليق بعاصمة" و لذلك سرقوا كل التحف و بعض المعمار من مصر نقلوه للأستانة و خدوا الصنايعية المصريين اللي عملوا القاهرة المملوكية و جيه إسماعيل باشا عمل القاهرة و الأوبرا هنا و زي ما قولتلكم نقل مصر نقلة نوعية بعد ما محمد علي عمل القناطر, أنا سألت مهندس ري و قالي القناطر دي تعتبر اكبر مشروع في القرن التاسع عشر و أنها طفرة نوعية في الزراعة مش ده كان في مصر و لا فين هو أنا بحبها من شوية؟ كل ما امشي اتكعبل في بستان ما احبهاش ليه بقى؟ علشان أنضحك علينا شوية و نعسنا شوية خلاص حنيأس, طيب لو راح الجيل ده حيصحى اللي بعده .. أيه رأيكوا بقى؟ البلد دي ماشية ع الحال ده من سنين و اللي يحترم نفسه بيستني في قلوب الناس, اختر لي مثلا عشر حكام لمصر هل كلهم كده على بعض يساوا سيد درويش؟ هل ممكن مثلا يطلعوا قد حذاء بيرم؟ و شوف بقى بيرم هذا العاشق لنا معه عودة (حلوة دي ههههههه كنا بنقول في ايه بقى) ما هو احنا لو قلنا دلوقت الاخوة دول لو اتكلوا على الله ان شاء الله عن قريب, هتقولي مين هيجي بعدهم, طيب ما نت لو كنت وقفت سنة 1952 و قولت مين بعد الملك ما كانش جم اللي جم و لا حصل ده كله.

و عموما يا ولاد أنا عايز أقولكم إن الحياة منحة جميلة, الحياة منحة بديعة و سخية جدا بس اللي يعرف قيمتها ياخد منها, و أنا متشكر إني أتخلقت, و متشكر جدا إني أتخلقت إنسان مش دودة و لا تعبان و لا جرثومة ما لهاش لازمة. و عشان كده بحب الورد و بحب فيروز و بحب أشوف الشباب المصحصح مالي الشوارع و السكك في مصر المحروسة

و يا محني ديل العصفورة .... شوفوا هتبقى مين بقى هيا المنصورة؟

و بس كده كلتوا دماغي
و يلا يا اخويا أنت و هو كل واحد على مُكنته و اشتغلوا
تتمسوا بالخير و نشوفكم أمس بس خلاص


84 comments:

semsem said...

طول عمرك كبير يا كبير
اد الحكاوى ولا بلاش
والنبى يا عمنا قولهم ان مصر هتفضل ام الدنيا
هو فى احلى من مصر يا جدعان
تحياتى

الجعرّ و أبورمّانة said...

معاك حق ياعم احمد في كل كلمة .. والله ياراجل كلامك جاى عالجرح .. بس انت مش خايف الشباب ابتدى ميهتمش باللى بيحصل ف بلده وشايف انه مبقاش في اي لازمة ..
معقول مصر اللى طلعت كل العباقرة اللى في تاريخ العرب تسبقها بلد زي مرويتانيا

جاية فوق الصعب ماشية ..
فات عليكي ليل ومية ..
واحتمالك هو هو ..
وابتسامتك هى هى ..
تضحكي للصبح يطلع ..
بعد ليلة ومغربية ..
تصبح الشمس تلاقيكي معجبانية وصبية ..
يابهية ..

بس قلى يابو النجوم مش شايف ان العرنوس مطرمخ زيادة عن اللزوم .. ياراجل خف شوية عشان صحتك
مية مية

أسامه يوسف said...

أنا سعيد جداً إنى أول من يعلق على البوست ده
بداية يا شاعر يا كبير أنا من الشرقيه ياعنى إحنا بلديات
أنا ممكن أكون بالنسبالك عيل صغير عنده 14 سنه
بس العيل ده بيحبك وبيموت فى أشعارك
وبيموت فى حكاويك وفى فاجومياتك
بس اسمحلى أقولك معلش هاتعدى حدودى إن الجيل بتاعى نايم فى العسل ماحدش مهتم بحاجه غير اللعب والتنطيط
يعنى مصر هاتصبر شويه لغاية الجيل اللى بعدنا
ويا ريت ياشاعر ياكبير ماتبطل تدون هنا
أنا هاعمل المدونه دى
ال home page بتاعتى
وما تتأخرش فى البوست اللى جاى

ihab said...

يا ابن الايه يا نجم لو كان اسم على مسمى يبقى انت يا نجم نجم في سمانا اول واحد علمنى يعنى ايه فن بجد و مغنى بجد و حب بجد اول واحد علمنى ان الحب مش ألنسوان بس و السهر والقمر اول واحد يعلمنى بجد من غير كلام ان حب الوطن فرض علينا كلنا بحبك يا نجم مش عشان أنت مقمع لآ عشان انت وصلت لمعنى الاخلاص في الكلام و بقى الحب عندك حب اكبر من واحدة تشغل عينينا كفاية انك تعلمنا اننا نعرف جيفارا زى ما نعرف هيفاء و امثالها بحبك تانى

Xee said...

نجم النجوووووووووم

طولت علينا يا كبير

انا خفت الا تكون لحقت تزهق مننا

تحياتي

مسـتنـية الفـرج said...

بس مصر الجميله دي ام الدنيا بقت قاسيه اوي علي عيالها ؛ وبحس ديما بكلمات فاروق جويدة
"بخلت يوما بالسكن.. واليوم تبخل بالكفن.. ماذا دهاك يا وطن؟!"

kmam said...

يا سلام يا عم احمد
ربنا يباركلك و يخليك لينا ، و دايما تنور الدنيا في وشنا ، رغم الضلمه المحيطه من كل ناحيه
من وجع ذكري النكسه السودا ، لحد وجع صفقة النسوان الي رايحين السعوديه ،
دايما منور و مدونتك منوره الفضاء الالكتروني كله

oOo_Mariam_oOo said...

يا عمي نجم كلامك كله جميل جداا... بس أحيانا الواحد بيحس ان غالبا مافيش بعد الملك يتاع دلوقتي... 26 سنة!!! يخربيته مبيزهقش؟؟؟

وعينا عليه و غالبا هنموت عليه برضه...
أنا عن نفسي بحس اني بنفوخ في اربة مخرومة....بس بفضل أنفخ بقول لعلى و عسى متطلعش مخرومة !!!

البتاع said...

الله
الله بجد ياعم نجم
كلامك ركبنى الة الزمن
وحسيت انى طايرة فوق مصر اللى انت بتحكى عليها دى
شماها
انت عارف؟؟
انا بحبها ومبحبهاش
بحبها عشان كلامك ده
وغيره
من اول امجادنا ايام الفراعنة
لكن مش بحبها عشان حسة انى بنتها غير الشرعية
بتعاملنى بقسوة اوى ياعم نجم
ربنا يسامحها بقى
ويهديها

انت عبقرى

ده كل اللى اقدر اقوله

riyad said...

أولاً اشكر نوارة التي من خلالها وصلت الى مكنتك يارجل يا عجوز.وبأمكاني الآن التواصل معك من هنا يا احلى ابو النجوم عرفته البشرية.مازالوا في سورية ينتظرون الفاكس منك بصورة عن البطاقة الشخصية لك ولزينب وام زينب من اجل ارسال بطاقات الطائرة.ارجوك يا ابو النجوم لاتنسى
ولك مني كل الحب والله اشتقت لك يا ابو النجوم
رياض عوض
من السويد

طارق المصرى said...

ده مش كلام واحد بس بيحب بلده لأ ده كلام واحد عاجنها وخابزها وعارفها من ساسها لراسها ... أنا مش يائس يا عم أحمد ... ربنا يديك الصحه ويخليك لمصر

Khaled Salem said...

الله عليك

ana-moslema said...

السلام عليكم ورحمة الله وبركاته

اولا جزاااااكم الله كل خير على المدونة الجميلة
وفعلاوالله نحب جدا اننا نستفاد بخبرات حضرتك وتجاربك
وربنا يعز البلد بحضرتك
وبنا

لي اخت في اله الله يكرمها
مسمينها سوسو جاهين
اصلها بتحبه جدا
ونشرنا لها بعض اعمالها من الشعر العامي
فبعد اذن حضرتك ياريت لو نسمع راي حضرتك فيه

ana-moslema said...

سؤال غرييييييييييييييب و اجابته شكلها معضلة
امتي بتكون مهيسة 00 و امتي بتكون مهنجة ؟
قلولي بس 00سؤالي بسيط 00اجابته ايه؟ من غير لافتوي و لا فزلكة
وقت ماكون مهيسة 00هي تكون مهنجة
ووقت ماكون مهنجة00 هي تكون مهيسة
هي بتعند و لا ده من طبعها؟
اصله لو عند انا مخي انشف منها
اما لو طبع فيها قلولي ازاي اغيره
اصل اللي زيها جبروت و بيمشي في دمها
تحكم علي اللي زينا بس اكيد مش كلنا
ناس و ناس اهو ده اللي زود همنا
تدي ما تدي00 و فجاه 00تاخد مننا
طب نبهينا 00لهتينا بيكي 00و نسينا نشكر ربنا
صحيح الدني دني 00و ان علا في يوم يفتري
دوسي عليا بجزمتك مش حخضع ليكي و اعبدك
ليه الخضوع ؟!! رقبينا مهياش في ذمتك
انتي كده00 صورة ل جنة للي عيزك
اما اصلك نار جهنم ماشية سارحة
و الغبي اللي بص ليكي و اللي عكسك
ها عرفتوا الاجوبة ؟!!
اعيد سؤالي تاني يمكن اسمع صوت منادي يقوم يحل الاسئلة
امتي تكون مهيسة و امتي تكون مهنجة ؟
لسة بتسالوا هيا ايه !!!!!يا قلبي ياني يا حسرتي
ديه الدنيا 00اللي لو علا فيها بشر 00يبقي صحبها
و اللي يصاحب زيها لازم حيشرب منها الف كاس
مش اي كاس000 ده كاس فيه بخة سمها
يلا ده اخري 00شكلنا كده كلنا راكبين في مركب واحدة قبطانها تايه مننا
و قالوا زمان في المثل و اظن عرفينه
روحت لعبد المعين يعني 00لقيته محتاج اللي يعينه

سوسو جاهين

che husam said...

يااااااااه يا عم أحمد
و عموما يا ولاد أنا عايز أقولكم إن الحياة منحة جميلة
على الطلاق إنتا إللى منحه جميله لينا كلنا
منورنا على طول يا عمونا
بس سؤال كده
هوا فين شعرك الجميل وحشنا

جزر said...

مصر هيا مصر مش هتتغير لو عملوا فيها ايه تقدر مثلا تمسح التاريخ او تلغيه من الوجود مينفعش
مصر هيا التاريخ
ومش هافكرك بقصيدك
مصر الطحين والفلاحين
وسلاماتي

The Alien said...

كلنا نفسنا نحبها زيك ياعم أحمد
بس إنت عشت وشفت اﻷيامم الحلوة
لكن أنا من ساعة ما اتولدت وهي كدا
مشفتش حاجة تخليني أحبها
وشكلها هتفضل كدا لغاية م أموت

متزعلش مني بس هي دي الحقيقة
وياريت تفضل تكتب هنا
تحياتي

moneer1988 said...

الله عليك يا عم نجم

MaZaGnGy said...

Saba7 El FOl 3ala agda3 Nas ,, howa da el kalam ya bo el nogoom ... Baheya fe3lan gar7et 7arb bas e7na law a3adna nebky 3aleha hatmoot fe edena , bas law shelna 7oznena fe albena we khalenah yeddena el ewa elly tkhaleena mossereen aktar enena newa2afha tany 3ala reglaha , yeb2a howa dah el maksab... we rabenna y2awena we yekfena shar el kasal

Anonymous said...

الله عليك يا كبير وعلى الحكاوى بتاعتك

karakib said...

يا عم احمد انت بتحكي علي مصر ايام العز
احنا ماشوفناهاش كدة !! علي رأيك يوم ما كنت بتقول فالساقية انتم استلمتوا ايامكم سودا
طيب احنا استلمناها سودا
عايزين نبيضها بقي .. نعمل ايه علشان تبقي الوان تاني
ازاي نخلي العاصمة تخبل زي زمان

karakib said...

http://www.facebook.com/group.php?gid=2357557575

karakib said...

http://www.facebook.com/group.php?gid=2357557575

الأستاذ جمال بيه said...

هوبا
أبو النجوم شخصيا هل هلاله ع المطرح بتاع البلايجه
يا حلاوة يا ولاد
طب ورحمة الغاليين يابو النجوم تكلمنا عن المواويل
الفن المصرى الاصيل اللى مش عارف راح على فين
مواويل مصر وروحها وعشقها ومحبتها
سمعتك مره بتتكلم عن الحاج عبده الدمرداش وقعدت منبهر ورحمة مرات خالى محمود سعيد عبمعطى وده كان راجل صالح ومطرب واسود زييى وتعود أصوله لدارفور فى غرب السودان ومراته كانت تبقى بيضه زيك وم الشرقية برضه وكان يقول موال وهو معدى تحت شباك نبيهة وده اسمها فتبص من الفتحة الضيقه وترميله حته من هدومها
بعد خمس سنين مواويل ورمى هدوم
اتجوزها وفتح دكانه بيع هدوم باله فى الرويعى
وبطل مواويل

معتز said...

يا ياكبير ايه الكلام الكبير ده

مصر في زمان الاحتلال كانت ام الدنيا وفي زمن السلام بقيت (فلبينيه ) الدنيا

يمكن ما عصرتش الكلام ده بس بسمع منك ومن هيكل و غيركم كتير علي مصر الصلبه مصر السياسه الحكيمه

الوقتي اصحاب السياسه البطيخيه في زمن العري ستان

ولما سمعت عن عائشه عبد الهادي ومتجرتها في حريم مصر اخر حاجه نملكها الشرف كمان بقي بيتباع افتكرت فيلم واسلاماه لما الست بتاعت القصر المملوكي نزلت علشان تنقي كام جاريه كانت بتعريهم وتقطع هدموهم وسنانهم وتشوف ينفعوا ولا لاء وبعدين قلت مصيبه الامارات والسعوديه والكويت يقفولنا علي السوق الحره يعاينوا البضاعه ولا يا تري واثقين في ذوق ست الحسن

ربنا يستر علينا

هنعمل ايه يا كبير بلدنا وبنحبها وراويين ترابها بدمنا ونبتت شحر الذل بفقرنا بس بردوا بنحبها وبنحبك يا عم احمد

متتأخرش علينا تاني يا كبير ومستنين حكاويك ونقدك اللاذع

واحد عندوا بتاع 22 سنه كده من دور عيالك اسموا معتز وبيحبك

Anonymous said...

كل ده يا رفيق؟

رفيق جيل اخر, ما اجمل ان نقول لرفاق جيلك اننا ايضاً نعرفك

وكتير تماسي لاهل المحروسة اللي قلوبهم تساع الدنيا

ادم المصري said...

حبييييييييييييييب قلبي
.
.
ما تتصورشي فرحتي دلوقتي قد ايه
فرحان لانك معانا
لانك وسطنا
.
.
كان نفسي اتحدد معاك من زمان
وجات الفرصة
.
.
بص بقي
مصر حلوة
وجميلة وام الدنيا
.
.
يمكن انت شوفت دا
لكن انا
عندي واحد وعشرين سنه
شوفت ايه ؟
.
.
تخيل واحد زي حالاتي
كلها سنه
ويبقي مهندس
لسه بيسال .. مصر عملت لنا ايه ؟
.
.
تعرف ان فيه بعض المواد في الكلية
ممكن تنجح فيها من غير تشوف الدكتور اصلا ولا تعرف اسمه
بالورق
.
.
ياعني حتي مجانية التعليم فشنك
كل حاجة فشنك
انا جيت في زمن فشنك
عشان كدا مش شايف غير بلد فشنك
.
.
تحياتي يا حبيبي
والسلام
ادم المصري
اول دكتور احه
مدون غير منحاز

Mirage said...

قالوا يا جحا بيت أبوك بيقع قال أما الحق أخد لي طوبة

السؤال ليس هو كام مصرى دلوقتى بيشتغل بالمنطق ده ؟

السؤال هو كام مصرى مش بيشتغل بالمنطق ده ؟

حرام بجد اللى بيحصل فينا ده

عايزين ثورة ياجدعان ولهى

محتاجين شوية خير من اللى الحكومة والبلد سرقاه

محتاجين نعمل حاجة

كفاية بقى كده

أدهم said...

انا مش مصدق عنيا اني علي مدونة أحمد فؤاد نجم بجد ربنا يحميك يا راجل يا طيب لمصر
http://adhamm.blogspot.com

الضارب said...

ياعم أحمد
سمعت انك انقبض عليك
فانقبض قلبى برضه عليك
يرضيك دا الحال كده يرضيك
أيام فشر أيام المماليك
الكرباج و النار و الخوازيق
و كلاب السلطان و فتانين أم قويق
عايزين نقرالك حكاية
عبد الجبار

zenzana said...

تعرف انا احب اسمع حكايات عن مين؟

عن الست والدتك ..حبيت الشخصية جدا لما قريت اللي انت كتبته عنها زمان انها اتعلمت الطاولة مخصوص عشان تقعد والدك في البيت وميروحش القهوة
تحياتي

ضد الظلم said...

عم احمد يا جامد يا كيدهم
احكى وقول عن مصر احكى وقول عن النصر احكى واوصف فى جمالها خلي واحد مننا يصبح خيلها

تحياتى يا عم احمد

kaed said...

عمنا الكبير
الأستاذ الفاجومى
أولا مرحبا بك فى عالمنا
ثانيا
أنا مبسوط أوى إنك أخدت الخطوة دى و لونها متأخرة شوية
ثالثا
البلد دى ياعمنا بتاكل عيالها واللى بينفد بجلدة ويخلع هو دة اللى بيعيش و يعدى
رابعا
عندى سؤال يا مولانا
هو إحنا بيحصل كدة فينا لية إحنا ذنبنا إية
سلام يا عمنا
قـــا ئــد

مصرى said...

عمنا

مصر راجعة تاني

و تحت القمر كلنا عشاقك يا خضرة

Big Code said...

و عموما يا ولاد أنا عايز أقولكم إن الحياة منحة جميلة, الحياة منحة بديعة و سخية جدا بس اللي يعرف قيمتها ياخد منها, و أنا متشكر إني أتخلقت, و متشكر جدا إني أتخلقت إنسان مش دودة و لا تعبان و لا جرثومة ما لهاش لازمة. و عشان كده بحب الورد و بحب فيروز و بحب أشوف الشباب المصحصح مالي الشوارع و السكك في مصر المحروسة

ايه الحلاوة دي يا عمنا
انا نفسي تكلمنا كل يوم
بتدينا امل في الحياة

جبهة التهييس الشعبية said...

تسمح لي يا كابتشن امارس عليك رزالتي المعتادة؟

وللا ما سمحتش يعني ح تقدر تحوشني مثلا؟

طيب

سؤال بقى

مش كابتش سماعين ده هو اللي اتسبب في موت مية وعشرين الف مواطن عطشا جثثهم تحت قناة السويس؟

هو البني ادم يسوى كام

يعني بعد ميت سنة ح نقول على مبارك بني الاوبرا ومكتبة اسكندرية وننسى المواطنين اللي مؤخرتهم استقبلت عصا السلطات بمنتهى الترحاب؟

مش ده الخديوي اللي دين مصر وكانت اول مرة مصر تدين بعد ما كانت مداينة العالم

مش ابوه ده اللي عزم ناس على الغدا وقتلهم بمنتهى الخسة بعد ما اداهم الامان؟

مش ابوه اللي كان بيشغل الناس بالسخرة عشان يبنوا له قصور وبعدين كمان يدفع كل واحد فيهم قرش صاغ عشان سمعهم مزيكا وهم بيشتغلوا؟ ( انظر الجبرتي اللي محمد علي قتل له ابنه وبعدين سمه هو شخصيا)

هو كده البيني ادم ما يسواش عندنا طوبة واحدة من المباني اللي مالهاش لازمة

مالهاش لازمة لان الاوبرا اللي بناها الخديوي واللي بناها مبارك ما يدخلهاش ابو جلابية يا ابو النجوم

اوبرا الخديوي كان بيدخلها الخوجات

واوبرا مبارك بيدخلها ...الخوجات برضه ويمكنك التصرف في حرف الجيم كما تشاء

يعني انا متعودة اخد راحتي في مدونتي بالنسبة للالفاظ

بس هنا بابا جاي ورايا ياخد باله مني يزعل ويايا

وما اسمعكش بتقول: هو انا قادر عليكي وللا عارف المك

الكلام ده في البيت مش هنا

يمكن مصر كانت في يوم من الايام حلوة

يمكن مر عليها ايام كتير حلوة

بس عمرها ما عملت حساب للبني ادم اللي خلاها حلوة

دايما بتعمل حساب للي بيخليها وسخة ويدوس عليها بالجزمة

وشعارها في الحياة

انا عايز حد يهزأني يهزأني يهزأني

بشجاعة يا ابو النجوم اعترف ان عندك فوبيا حب مصر

ومش محتاج تبرر لنفسك او لينا انك بتحبها

هي ما تتحبش

بس احنا بنحبها عشان: انا عايز حد يهزأني يهزأني يهزأني

الا صحيح يا بو النجوم سمعت انك عامل قيود على التعليقات

قال؟

ليه خايف من الالفاظ القبيحة لا سمح الله؟

Big Trap Boy said...

أحلى تحية وأحلى سلام من تونس للشاعر الكبير

shams said...

الله يا عم نجم
لسة الامل في بكرة كبير و لسة الاحلام كتير و بكرة احسن من النهاردة

دماغ ماك said...

هو ده اللي كنت و كلنا كنا مستانينوا منك
تحكيلنا تاريخ بلدنا صح
علشان نعرف نتعلم منه و نبني مستقبلنا صح
قول يافاجومي يا مزاجنجي

أحمد عبد الوهاب said...

مصر بتتباع يا عم أحمد
ياتري إشتريت حته فيها ؟

Anonymous said...

Bonjour,

Comme, hélas, je maîtrise très mal ma langue maternelle, je serais très reconnaissant à toute personne francophone qui pourrait traduire mes sentiments d'admiration et de respect pour le grand Maître et son oeuvre et les lui communiquer.

Merci.

Tahar.

Anonymous said...

Bonjour,

Comme, hélas, je maîtrise très mal ma langue maternelle, je serais très reconnaissant à toute personne francophone qui pourrait traduire mes sentiments d'admiration et de respect pour le grand Maître et son oeuvre et les lui communiquer.

Merci.

Tahar.

مصري said...

بس كويس الخطوة ده والبلوج الجميل ده يارب نشوف كل يوم جديد

محمد ياسر said...

مصر هتفضل حلوة و جميلة كده طول ما فيها اللى عايزين يحسنوها و يقوموها من تانى بس المهم انهم يعملوا حاجة ونوصل لحاجة ونعليها تانى

و تحياتى على كلامك الجميل و انا متابعك يا عمنا

و مش عارف ليه شلت البوست اللى قبله؟؟؟

mesho said...

لما بشوفك يا عظيم بحس ان مصر لسه فيها خير و ناس بيحبوها لا بيعشقوها كمان ربنا يخليك بس عايزة اقولك على حاجة انا لما بقرا رباعية صلاح جاهين بفتكر حال الشعب عارف الرباعية دي بتقول ايه
ايوب رماه البين بكل العلل
بعد سبع سنين مرضان و عنده شلل
الصبر طيب صبر ايوب شفاه
بس الاكادة مات بفعل الملل
عجبي
و بسال نفسي هنفضل صابرين على الناس دي لحد امتى و مينفعش نكبر دماغنا لان دي بلدنا مش بلدهم هم امتى نفوق بقى؟
انا عايزة اقولك كمان اني اعجبت بيك اوي لما اتصلت بنجيب ساويرس في العاشرة مساء تقوله بلا او تي في بلا بتاع ابنيلنا مستشفيات و مدارس
انت بجد انسان يا عمنا كلنا

BADR ELEBIDY said...

حبيبي عم أحمد
حاجة واحدة بس أعلق بيها على كلامك ده
احنا الأرض حطبها ونارها واحنا الجيش" اللي يحررها واحنا الشهدا في كل مدارها منكسرين أو منتصرين "
ربنا يخليك لينا

Mr.GEMYHOoOD said...

بابا انا عايز حكاية الشاعر الاخنف

هههههههههههههه

بتاع بنى نيئى

joe said...

الله الله الله ..الاستاذ الكبير هنا بيننا .. انا ما صدّقت لما شفت العنوان عند نواره ..انا ما بعرف شو بدي اقول هلئ .. بس بدي اقول اني بحبك كتيرررر .. لا .. أكتر من كتير بشوية .. ويا ريت يا ريت في يوم هيك على راحتك تكتب لنا عن علاقتك باستاذنا وحبيب قلبنا زياد الرحباني .. انا عرفت انك لما كنت عندنا ببيروت السنة الماضية كنت عنده ..و يومها أنا قلت حلم حياتي اكون في قعدة فيها نجم وأبو عاصي ..
أنا مبسوط جدا انك بيننا هنا .. ونحن ببيروت منحبك كتير يا كبير

اسلام said...

عمنا و حبيبنا ابو الكلام احمد فؤاد نجم كل سنى و انت اجما من اللى قبلها و كل يوم و انت احلى من اللى قبله حبيبنا اللى علمنا نحب بلدنا و احنا بنتعلم نكرهها فى كل يوم بس لا دانت لسة منور الدنيا و لسه الوردة معطرة بنور القوافى كل سنة و انت عيش لينا و فينا و ربنا يديلك الصحة و تشوط فى و لاد الكلب و احنا معاك و اسكندرية نفسها تشوفك يا ترى امتى ؟

vetrinary said...

وقلنا ننضف بقا قالو بلا وكسه
والله لتحصل بدال النكسه ميت نكسه

عايزينك تتكلم عن عمنا نجيب سرور

reri said...

الله عليك يا نجم يا كبير
هو في أحلي منها يا عم نجم
الذنب مش ذنبها
الذنب ذنب أهلها
اللي باعوا أرضها
وقبضوا التمن منجهه

سلاماااااااااااات يا فاجومي

شبابيك عربية said...

ياسلام يا عم نجم على حكاويك،يا ريت متحرمناش منها ولا تتأخر علينا أنا حسيت أننا عايشة مصر اللى أنت بتحكى عنها

عشبة حطام المراكب said...

الله
أنا مبسوطة أوى إنى إتكعبت فى المدونة ديه بالصدفة
أنا بحييك على روحك المقاومة والشباب اللى حتى مش فينا
للأسف إحنا ما شوفناش مصر الجميلة اللى بتحكى عنها اللى الست تمشى فيها بأمان وكأنها ماشية فى بيتها ويوم ما واحد أمه داعية عليه كده يستجرى يغازلها ويقولها يا جميل أو يا عسل
أو على رأى عمنا عبد الفتاح الأسرى "ياصفايح الذبدة السايحة"
ألف من يقفله ويأدبه
كل ما أفتكر إنهم كانوا بيحلقوا للواد راسه عشان عاكس بنت أموت على روحى وأقول كان نفسى أعيش الأيام ديه
وأبقى نفسى أعرف لو واد من بتوع اليومين دول عمل اللى بيعملوه دلوقتى زماااااااان هيعملوا فيه إيه
أنا مش هطول عليك يا عمنا أكتر
بس بجد مجرد كلامك حاجة ملهمة جدا بالنسبة لى
أرجوك ما تحرمناش من حكويك الجميلة

david santos said...

Alive the people of Palestine, against the fascism of Israel and the terrorism of the North America

Peace for Palestine

.:.-=- ELGaZaLy-=-.:. said...

انا بتفق مع زنزانة جدااااااااااا

انا فعلا لما قريت الى كتبتة عنها عجبنى جحدااا


تيحاتى ليك يا عمنا....

وفرحانين اوى انك فى وسطنا بجد

soosa el-mafroosa said...

مصر الحلوة دي ماشفنهاش
احنا الجيل المولود و متربي و غالبا هيموت في عهد فخامة الرئيس المظفر

دخلنا عشة الفراخ و كل واحد مستني دوره

و كل واحد و حظه بأه..اللي يقصقصولوا جناحاته و اللي تتحش رقبته و اللي يعملوه كفته

مصر الحلوة دي فين يا عمنا

دلنا عليها

alzaher said...

ياعم أحمد
عندي سؤالين رزلين زيي كده بالظبط
الأول:أليس غريبا أن تكتب عن الخديو إسماعيل وتفيض في الحديث عن القناطر ولا تذكر مشروع مثله تماما إن لم يكن أعظم وهو السد العالي؟
السؤال التاني :يعني إيه لو سألتوا سنة إتنين وخمسين مين هييجي بعد الملك؟هو كان في حد بيسأل السؤال ده أصلا يا عم أحمد؟ كله كان عارف أن بعد الملك بييجي ملك برضه وهو ما عدنا إليه للأسف بعد خمسين عاما على الثورة
ودمتم

Anonymous said...

الى الفاجومى العظيم احنا محتاجين نعيد كتابة التاريخ وبالذات فى فترة حكم الخديوى اسماعيل علشان طبالين حكم العسكر الاقدام واللجداد يعرفو حجمهم بالظبط كفاية انة عمل اول مجلس وزراء وبرلمان وحياة نيابية فى مصر ناهيك عن العمران من غير وزارة تعمير اسف تدمير ونهب الثروات
على الدين مش هلال

اتفضل عندنا said...

Tahar

Je peux vous aider si vous voulez

shereen ghieth said...

وحشتنى قوى يا عم احمد
يلا بقي تعالي
العائلة الفاجومية كلها مستنياك
ابو النجوم الصغير والفاجومية الموهوبة فى الغباء
والقاهرة
والحياة
كلها من غيرك وحششششششششششششششششششششششه

Anonymous said...

اتفضل عندنا@

Merci de votre proposition. Tout ce que je souhaitais, c'était de faire parvenir mes sentiments de respect et d'amitié au maître des lieux. J'espère que c'est fait. Merci encore et à bientôt.

Tahar

Anonymous said...

صباح الفل يا عم احمد،
والله العظيم الكلام ده جميل اوي
و لكن
إحنا لا شوفنا البلد اللي انت بتتكلم عليها و لا نعرفها
لو شوفناها كنا حبيناها لو شوفناها كنا فعلاً رويناها بالدم مش بالميه
يا عم احمد احنا إتناكنا شامي و مغربي في البلد بنت الوسخه دي
انت شفتها ايم الملك إحنا لأ!!!!!! عاوزنا نحبها زيك إزاي
اللي يلاقي سكة يشم فيها هوي بره هيشد ديله في سنانه و يطلع يجري من غير ما يبص وراه!!!!!!!!عارف ليه ؟؟؟؟؟؟؟
عشان الطوب خلص خلاص
صباح الفل
متزعلش مني و حياتك

Ahmed said...

يا عم احمد اكتب .. كل يوم بوست واحكى لنا اللى شفته بعنيك وعلمنا ... محتاجين نعرف مصر بجد ... لو تعتبر دى اهم حاجه تقابل ربنا بيها انك تنورنا وترسينا احسن احنا لايصين
ياعم احمد انا اتعلمت ببلاش فى مدارس الحكومه .. وخرجت بره لقيت راسى براس التخين فيهم ... احنا فينا كتير وبرضه بالينا كتير
رنا يهديك وتكتب بوست كل يوم عشان نجمعهم فى موسوعه
انت عين الشعب الغلبان ولسانك المتبرى منك ده ربنا اداهولك عشان تتكلم عن الخرس اللى زينا
ابنك احمد من انجلترا

louka said...

إقلع غماك يا تور وارفض تلف

إكسر تروس الساقية و اشتم وتف

قال: بس خطوة كمان .. وخطوة كمان

يا اوصل نهاية السكة يا البير تجف

عجبي !!!

مواطن زهقان said...

الكبير طول عمره كبير ياجماعة
وعم احمد كبيرنا كلنا وحبيبنا كلنا
يلا ياعم احمد كدل ورينا الجديد

وياريت اتشرف بزيارتك مدونتى


http://resalamisr.blogspot.com/

jinja said...

الله يديك الصحه يا عم نجم يا ريت نقدر نضم صوتنا كلنا لبعض ونحاول نعمل حاجه وياريت تبقي تزور مدونتي ومحتاج ردك ووقوفك جنبنا

Anonymous said...

bos ya 3am ngm ya kbear awyyyyyyyyy
enty elly baa3arak el wa7ed 3ayesh
matrasha7 nafsak teba rayes hadyek wallahe
ana we kol as7abe
bas garab ya kbear we7na m3ak mosh ht7`sar 7aga walla eh? nefsy el 7aya teba koysa nefsey el nas yba albah 3la ba3d zay zaman
soal ya 3amey:enta batalt tekteb fe el dostsr wal eh? salamey

Ahmed Elsabbagh said...

يا قمر مصر الكبير المنور
يا ورد مصر الجميل المزهر
يا لمحة من زمن حلو فى زمان أغبر

ياعمى وعم عيالى اللى لسه فى الغيب
وانا لسه مستنظر

ياعم نجم ياللى ساكن فى روحى وكيانى

ياعم نجم
ياللى حروفك بتنسينى احزانى

ياعم نجم
ياللى اشعارك بلاقيها كل مرة
فى الضلمة مستنيانى

يا عم نجم
ياللى لما بشوفك بتتكلم وتحكى
برجع احب مصر تانى

أبنك أحمد الصباغ
http://ahmedelsabbagh.blogspot.com/

Anonymous said...

بعد أن سمعتُ بنبأ دخول العم الكبير الشاعر البطل احمد فؤاد نجم إلى المستشفى في حالة جلطة في الدماغ، وجدتُ نفسي أكتب هذه الأبيات كنوع من الوفاء للوفي العظيم أطال الله عمره:
شعر راضي عبد الجواد- فلسطين
قوم يالله مش وَقتِ النّكاتْ
مهداة إلى مُعلّمي ومُلهِمي الشاعر الفذّ أحمد فؤاد نجم طال عمره
يوم مَ نْتا قلتِ جيفارا مات وِتلَعثَمِت كلِّ اللُغاتْ
صدَّقْتِ يومها كِدبِتُك وِنتا اللي يِشهّدْ عَ الثّباتْ
وِعَلى نَّكِ نْتا خِلْفِتُه وِعلى نِّ مين خَلِّفْ مَ ماتْ
هُوَّ الحَيا بَسِّ النَّفَس؟ شوف الزّعامة الأنتيكاتْ
شِمِّ العَفَنْ فيهم سَكَنْ وِنتَ فْ خَرابتَك بَرفَناتْ
إنتاللّي رَبّيتنا عَ إيدَكْ وِنتا اللّي عَلِّمنا الجِهاتْ
وِنِّ الوَطَن في قَلْبِنا ما نْبيعُه بِكنوزِ الحَياةْ
وِنتاللّي قُرآنَك هَدى مِن يومْ بِدايةِ السَّبعِناتْ
في السّجنِ كُنْتِ القُبَّرَة ياما شديتِ الأغنِياتْ
سَجّانَكِ الخايب بكى وِأَسَرْتُه جُوَّ الزنزناتْ
في العَزْمِ كُنْتِ البوصَلة خَلّيتنا نِنفي المعجِزاتْ
وِنْصَدَّقِ نّي شعبِنا فِئديهْ مفاتيحِ النّجاةْ
ماتقولْشِ بِتْهَزَّرْ بَقى قوم يالله مش وَقتِ النّكاتْ
إيه دًه خْتِبار لِمَعَزِّتَك وَلاّ نْتا صالِحتِ السُّكاتْ
وِعَلى فَرَضْ، إنِّ القَدَر تَقِّل عِيار الدَّغدَغاتْ
إحنا وِلادَك في الخُطى حافظين طريقَك لِلمات
ما تِنتِظِر منّا البُكا حيثْ إنِّ مين خَلِّف مَ ماتْ

Radwa Lotfy..(Rodirock) said...

ولله انت تاريخ و القعدة معاك مايتشبعش منها ...ربنا يخليك لمصر و يخلى مصر ليك و بيك:)
وربنا يشفيكو يقومك لينا بالسلامة يارب ...بجد وحشتنا

Anonymous said...

ياعم احمد انت الضمير الحى انت التاريخ اللى راح والجى طل علينا فكرنا بغنوينا صحى الالم فينايمكن نفتكر تاريخ ضايع بين ايديناقول ياجمل صحى فينا الامل كل دة يتعمل علمنا الصبر وقول حكاوى وغناوى العيال الصغيرين ولاد مصر الطيبين

Anonymous said...

قول حكاوى وغناوى العيال الصغيرين ولادمصر الطيبين اللى مش عارفين بكرة راح ولاجى قولهم جى قولهم جى طول مافية بقية فى عزمهم طول ما مصر فى دمهم وللى حملهم هموم اكبر من سنهم قول انت رايح رايح مش جى khaternam@yahoo.com

فنان الطفولة سامي دربز said...

وحشتني كثير استاذي الكريم انا سامي اللي غنى غنوة سلام الجديدة من تونس فاكرني طبعا صيف 2007

ااية امان said...

هو فعلا لللي بيتواصل معانا وبيحكيلينا الحكاوي دي
عمنا الفاجومي
؟؟؟
ولا من ينوب عنه
حد يا جماعة يجاوبني على السؤال دة
:)

Anonymous said...

عمنا الكبييييييييييييييييير ...ايه السيجاره دي

Anonymous said...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品

A片,A片,A片下載,做愛,成人電影,.18成人,日本A片,情色小說,情色電影,成人影城,自拍,情色論壇,成人論壇,情色貼圖,情色,免費A片,成人,成人網站,成人圖片,AV女優,成人光碟,色情,色情影片,免費A片下載,SEX,AV,色情網站,本土自拍,性愛,成人影片,情色文學,成人文章,成人圖片區,成人貼圖

情色,AV女優,UT聊天室,聊天室,A片,視訊聊天室

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

Anonymous said...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人

وليد محمود said...

بص يا عم احمد
ربنا يكرمك ويخليك لمصر
اللى ملهاش حد دلوقتى غير ربنا
ربنا هو بس اللى معاها
لا احنا ولا حكومة ولا اشتغالات وامن ولا شرطة
وبيقولك ان مصر مش مستباحة
دا هى ممكن متكونش اى حاجة تانية بس هى مستباحةمستباحة مستباحة مستباحة
هو ايه اللى هيحصل تانى
ربنا يسترها علينا وعليك
كل اللى عايز حاجة ويعرف ياخدها بياخدها مفيش مشاكل
احنا فى بلد ديموقراطى كل واحد من حقه يسرق
وعجبى وعجبك وعجبنا كلنا

yasser khalef said...

يا فاجومي يا جميل
لما باشوفك أو باسمعك باحس إن الدنيا لساها دنيا
والزمن رِكن في مكنة على شط النيل والحصيرة والقلة القناوي تحت ظليلة ويا نسمة صيف وغنيوة حب والصبايا رايحة جاية والدنيا أصبحت فيلم ماتتمناش ينتهي رغم نهايته اللي لازم تبقى سعيدة
أرجو لك دوام الصحة وللسانك العافية
أرجو أن تكرمني بزيارة مدونتي المتواضعة
ورأيك شرف أتطلع إليه
أحمد خلف عبد الرحيم
http://www.yasoo157.blogspot.com/

yasser khalef said...

يا فاجومي يا جميل
لما باشوفك أو باسمعك باحس إن الدنيا لساها دنيا
والزمن رِكن في مكنة على شط النيل والحصيرة والقلة القناوي تحت ظليلة ويّا نسمة صيف وغنيوة حب والصبايا رايحة جاية والدنيا أصبحت فيلم ماتتمناش ينتهي رغم نهايته اللي لازم تبقى سعيدة
أرجو لك دوام الصحة وللسانك العافية
أرجو أن تكرمني بزيارة مدونتي المتواضعة
ورأيك شرف أتطلع إليه
أحمد خلف عبد الرحيم
http://www.yasoo157.blogspot.com/

Anonymous said...

يا ابو النجوم
تعيش لينا
طول عمرك بتعلمنا ازاى نحبهااااااا
وهيا بجد
تستاهل الحب
بس يا ريت حد
يعلمها هيا
ازاى تحبنا
عموما يا اجمل وارق النجوم
انا كمان بحبها
و
بحب الورد
و
بحب فيروز
و
بدووووووب
فى هواااااااا
ابو النجوم

همسه said...

يا ابو النجوم
تعيش لينا
طول عمرك بتعلمنا ازاى نحبهااااااا
وهيا بجد
تستاهل الحب
بس يا ريت حد
يعلمها هيا
ازاى تحبنا
عموما يا اجمل وارق النجوم
انا كمان بحبها
و
بحب الورد
و
بحب فيروز
و
بدووووووب
فى هواااااااا
ابو النجوم

مطنش said...

مشكووووووورين

العاب سيارات
hguhf
العاب فلاش 2014
العاب فلاش

RAGAB KAMAL said...



الكثير منا يعانى من طرق النظافه القديمه المتعبه والمؤلمه ودعا لهذا النوع من النظافه الان مع شركة الكمال المتخصصه فى جميع اعمال التنظيف بالطرق ولالات الحديثه التى تحتوى عمال ماهرون ومدربون وعندهم خبره عاليه فى اعمال التنظيف كما انها يوجد لديها عمال ماهرون ومدربون الى اعله مستوى من المستويات وان شركة الكمال يوجد لديها خدمات اخرى
مثل تسليك المجارى وعزل خزانات ونقل اثاث ورش مبيدات ومكافحة حشرات فى جميع المملكه العربيه السعوديه

شركة الكمال

شركة كشف تسربات بالرياض

شركة كشف تسربات بالدمام

شركة كشف تسربات بالطائف

شركة كشف تسربات بجازان

شركة كشف تسربات بحائل

شركة عزل خزانات بالرياض

شركة عزل خزانات بالدمام

شركة عزل خزانات بالطائف

شركة عزل خزانات بجازان

شركة عزل خزانات بحائل