تعليقا على الأحداث اللي بتحصل في اسكندرية دلوقتي بين المسلمين و الأقباط ... قال عمنا بيرم في قديم الزمان
من عهد م القرآن هبط
نزل هنا عمرو و ربط
بينا وبينكم يا قبط
عقود وداد متسجلة
قرآن محمد قالنا
عيسى المسيح روح ربنا
و الست مريم ستنا
تنزل في أعظم منزلة
و لسه بردوه يا مصريين ما فهمتوش؟! أنا حزين للي بيحصل في كل مكان في مصر المحروسة بينا - بين المسلمين - و أشقائهم المسيحيين
فوقوا بقى أحسن و دين النبي أنتحر و يبقى ذنبي في رقبة سبعين مليون مصري و كسور
الفـــاجــــومــــي
.jpg)
25 comments:
ومين انا علشان اعلق على الكلام دا طبعا تحفه وجميل جدا
عمنا إبن عروس قال
أنا باوَحِّد اللي خلق الناس
خلق مسلمين ونصارى
وناس نامت على فَرش وِكْناس
وناس ع المعايش حيارى
مش هاقول حاجة لأن كلام إبن عروس مايتزودش عليه
يا جدعان يا مصريين خلينا مصريين بس
شعر رائع لعمنا
تحياتي
تنتحر مين يا عمنا؟؟؟ احما نقدر نستغنا !!! انشاء الله هو و ابنه بس انت لأ
بس المشكلة ان في مفاهيم كتير غلط ... كتير قوووي
تنتحر ايه بس يا نجمنا..وحد الله كدة و استعيذ من الشيطان..عشان هو السبب في اللي حصل في اسكندرية
أسمحلى يا عمنا من غير زعل هو العجيب أنك لسة صامد لغاية دلوقتى و مانتحرتش
أنا بحسدك على قوتك بتعافر مع الدنيا و الظلام من كام سنة و انا بفكر بجد كل يوم فى الانتحار
بجد منور و ربنا يديك طول العمر
لاأأأأأأأ فايقين أهه و الله العظيم... تنتحر و تسيبنا مرميين فيها لوحدنا؟ و الله ده انا كنت أموتك
ربنا يمد في عمرك و يحسن عملك يا كبير
و احنا فايقين، و مش ناسيين. و نظام فرق تسد ده مش هياكل معانا. لإننا قدام قوي، و مطقطقين قوي، و الكاللو اللي في قفانا ده من أيام الهكسوس. و بكرة يشوفوا مين اللي ماشي و مين اللي قاعد فيها
يا اّل عيسى قد سألت رواكـم
ما الفرق بين مثـلـّث و موحـّد
إني بقراّن عرفت مسيحكم
و رأيت في الانجيل وجه محمد
ــ يفوقوا ايه يا ابو النجوم ..لو كان فيه امل يفوقوا _العرب جميعا ـ كانوا فاقوا من زمان
و ما كان في داعي يقول بيرم ..و لا كان في داعي للفاجومي اصلا.. لا سمح الله .
ـ خلينا نايمين في العسل
على الأقل هيك نضمن انه عبقري متلك يزعل و يقول كلمتين يشفي غليل اللي فايقين نص نص
ـ بس بصراحة .. نحن عندنا تطور اكتر منكم . مبارح كانوا بيشـيـّعوا قتيل سياسي عندنا .. و بدل ما يقروا الفاتحة .. كانوا بيهتفوا ضد الطوائف الأخرى .. الاسلامية قبل المسيحية .. يعني الحمد لله الوضع عندنا بيبشـّر بالخير للي عايز ينتحر أو يموت قرفا
:)
كلام عم بيرم جميل ومعقول وما اقدرش اقول حاجه عنه
اما انت ياعم احمد ربنا يخليك لنا
طبعا ياعم نجم انا من معجبينك بنضالك وشعرك وتمسكك بمصريتك حتى اصرارك على اللوك.
انا اسكنرانيه وانا واولادى علاقتنا كويسه جدا بجرانا المسيحيين مشوارصغير لمستوصف الانبا تكلا فى اسكندريه كل الاطباء مسيحيين والمرضى خليط المسلمين اكتر والكل بيدردش وكأنهم اقارب الموضوع مفتعل وبيحصل فى مواسم معينه دايما ايام الانتخابات وان كان فى بعض الاختلافات فهى موجوده بين المسلمين والمسلمن والمسيحيين والمسيحيين
اياكي ..يا بلادي
اياكي..والفتنة..
كلامك ..منور يا عمنا
و الله يا عم نجم الموضوع بقي حاجة تكسف ...بس حنعمل أيه قلة العقل .... أكنا لازم نقول للعالم دي أننا مع بعض من بداية الازل و قديمة و مش حينفع نخيب علي أخر الزمان
تنتحر ايه بس يا احلى نجمة خرجت من قلب مصر المحروسة.ربنا يخليك لينا و تنور قلوبنا و ايامنا بكلامك .
بس الصراحة الحال يحزن القلب. انا مسلمة اتربيت في مدرسة مسيحية و اصحاب عمرى مسلمين و مسيحيين.عمرنا ما فكرنا في حكاية مسلم و مسيحي. كان اجمل ما في اختلافنا ان اعيادنا بتكتر باحتفل معاهم باعيادهم و يحتفلوا معايا بعيدنا
يا حبيبى يا قمر والنبى انت عسولة وبحـــــــــــــبك اوىىى وبحبك كل حاجة بتكتبها يا قمر انت يا قمر
على فكره انت برنس يا ريس
يا قمر مصر الكبير المنور
يا ورد مصر الجميل المزهر
يا لمحة من زمن حلو فى زمان أغبر
ياعمى وعم عيالى اللى لسه فى الغيب
وانا لسه مستنظر
ياعم نجم ياللى ساكن فى روحى وكيانى
ياعم نجم
ياللى حروفك بتنسينى احزانى
ياعم نجم
ياللى اشعارك بلاقيها كل مرة
فى الضلمة مستنيانى
يا عم نجم
ياللى لما بشوفك بتتكلم وتحكى
برجع احب مصر تانى
أبنك أحمد الصباغ
http://ahmedelsabbagh.blogspot.com/
ان شاء الله اللى يكرهوك ياعمنا
لأ بعد الشر عنك يا كبير دا انت عندينا بالدنيا و بعدين ما احنا من صغرنا معانا ناس نصارى و اصحاب و حبايب ومفيش مشكل ايه الناس اللي عقلهم ننه ده
وبعدين أنا كنت بتمنى أقلب التليفيزيون أشوفك أنا مش مصدق اني بكتبلك دلوقتي يا كبيييير
تعالوا نعلي صوتنا واللي عاوز يقول يقول
http://kalamser.blogspot.com
تعالوا نعلي صوتنا واللي عاوز يقول يقول
http://kalamser.blogspot.com
شكراااااااااااااااااااا وأرجو زيارة مدونتي
http://all2earning.blogspot.com
ياااااااااااااااااه
وقدرت تقولها
تنتحر
وانت قلب مصر
ده انا بستمد الامل فى بكره
منك ومن كلامك
يا اجمل نجمه فى سماء مصر
تعيش
وتسلم
وتفضل منور قلوبنا
بالامل
خليكم ولاد مصر بس وما تفكرو زينا احنا اللبنانيين لان الحرب بتسود القلوب وتخطف الحياة حتبقوا عايشين ومش عايشين
thank you
سعودي اوتو
Post a Comment