Thursday, June 14, 2007

تعليقا على اللي حصل في اسكندرية بين المسلمين و الأقباط



تعليقا على الأحداث اللي بتحصل في اسكندرية دلوقتي بين المسلمين و الأقباط ... قال عمنا بيرم في قديم الزمان


من عهد م القرآن هبط

نزل هنا عمرو و ربط

بينا وبينكم يا قبط

عقود وداد متسجلة

قرآن محمد قالنا

عيسى المسيح روح ربنا

و الست مريم ستنا

تنزل في أعظم منزلة


و لسه بردوه يا مصريين ما فهمتوش؟! أنا حزين للي بيحصل في كل مكان في مصر المحروسة بينا - بين المسلمين - و أشقائهم المسيحيين

فوقوا بقى أحسن و دين النبي أنتحر و يبقى ذنبي في رقبة سبعين مليون مصري و كسور

الفـــاجــــومــــي

29 comments:

sendrlla said...

ومين انا علشان اعلق على الكلام دا طبعا تحفه وجميل جدا

مصرى said...

عمنا إبن عروس قال

أنا باوَحِّد اللي خلق الناس
خلق مسلمين ونصارى
وناس نامت على فَرش وِكْناس
وناس ع المعايش حيارى

مش هاقول حاجة لأن كلام إبن عروس مايتزودش عليه
يا جدعان يا مصريين خلينا مصريين بس

ibn nasser - ابن ناصر said...

شعر رائع لعمنا
تحياتي

oOo_Mariam_oOo said...

تنتحر مين يا عمنا؟؟؟ احما نقدر نستغنا !!! انشاء الله هو و ابنه بس انت لأ

بس المشكلة ان في مفاهيم كتير غلط ... كتير قوووي

نقطة مية said...

تنتحر ايه بس يا نجمنا..وحد الله كدة و استعيذ من الشيطان..عشان هو السبب في اللي حصل في اسكندرية

كائن العزلة الكئيب said...

أسمحلى يا عمنا من غير زعل هو العجيب أنك لسة صامد لغاية دلوقتى و مانتحرتش
أنا بحسدك على قوتك بتعافر مع الدنيا و الظلام من كام سنة و انا بفكر بجد كل يوم فى الانتحار
بجد منور و ربنا يديك طول العمر

محجوب عبد الدايم said...

لاأأأأأأأ فايقين أهه و الله العظيم... تنتحر و تسيبنا مرميين فيها لوحدنا؟ و الله ده انا كنت أموتك

ربنا يمد في عمرك و يحسن عملك يا كبير

و احنا فايقين، و مش ناسيين. و نظام فرق تسد ده مش هياكل معانا. لإننا قدام قوي، و مطقطقين قوي، و الكاللو اللي في قفانا ده من أيام الهكسوس. و بكرة يشوفوا مين اللي ماشي و مين اللي قاعد فيها

joe said...

يا اّل عيسى قد سألت رواكـم

ما الفرق بين مثـلـّث و موحـّد

إني بقراّن عرفت مسيحكم

و رأيت في الانجيل وجه محمد

ــ يفوقوا ايه يا ابو النجوم ..لو كان فيه امل يفوقوا _العرب جميعا ـ كانوا فاقوا من زمان
و ما كان في داعي يقول بيرم ..و لا كان في داعي للفاجومي اصلا.. لا سمح الله .
ـ خلينا نايمين في العسل
على الأقل هيك نضمن انه عبقري متلك يزعل و يقول كلمتين يشفي غليل اللي فايقين نص نص
ـ بس بصراحة .. نحن عندنا تطور اكتر منكم . مبارح كانوا بيشـيـّعوا قتيل سياسي عندنا .. و بدل ما يقروا الفاتحة .. كانوا بيهتفوا ضد الطوائف الأخرى .. الاسلامية قبل المسيحية .. يعني الحمد لله الوضع عندنا بيبشـّر بالخير للي عايز ينتحر أو يموت قرفا

LFM said...

:)

amiraaly said...

كلام عم بيرم جميل ومعقول وما اقدرش اقول حاجه عنه
اما انت ياعم احمد ربنا يخليك لنا

klmat said...

طبعا ياعم نجم انا من معجبينك بنضالك وشعرك وتمسكك بمصريتك حتى اصرارك على اللوك.
انا اسكنرانيه وانا واولادى علاقتنا كويسه جدا بجرانا المسيحيين مشوارصغير لمستوصف الانبا تكلا فى اسكندريه كل الاطباء مسيحيين والمرضى خليط المسلمين اكتر والكل بيدردش وكأنهم اقارب الموضوع مفتعل وبيحصل فى مواسم معينه دايما ايام الانتخابات وان كان فى بعض الاختلافات فهى موجوده بين المسلمين والمسلمن والمسيحيين والمسيحيين

Anonymous said...

اياكي ..يا بلادي

اياكي..والفتنة..


كلامك ..منور يا عمنا

yasmeen said...

و الله يا عم نجم الموضوع بقي حاجة تكسف ...بس حنعمل أيه قلة العقل .... أكنا لازم نقول للعالم دي أننا مع بعض من بداية الازل و قديمة و مش حينفع نخيب علي أخر الزمان

بـراااح said...

تنتحر ايه بس يا احلى نجمة خرجت من قلب مصر المحروسة.ربنا يخليك لينا و تنور قلوبنا و ايامنا بكلامك .
بس الصراحة الحال يحزن القلب. انا مسلمة اتربيت في مدرسة مسيحية و اصحاب عمرى مسلمين و مسيحيين.عمرنا ما فكرنا في حكاية مسلم و مسيحي. كان اجمل ما في اختلافنا ان اعيادنا بتكتر باحتفل معاهم باعيادهم و يحتفلوا معايا بعيدنا

fatma said...

يا حبيبى يا قمر والنبى انت عسولة وبحـــــــــــــبك اوىىى وبحبك كل حاجة بتكتبها يا قمر انت يا قمر

ahmEd_H said...

على فكره انت برنس يا ريس

Ahmed Elsabbagh said...

يا قمر مصر الكبير المنور
يا ورد مصر الجميل المزهر
يا لمحة من زمن حلو فى زمان أغبر

ياعمى وعم عيالى اللى لسه فى الغيب
وانا لسه مستنظر

ياعم نجم ياللى ساكن فى روحى وكيانى

ياعم نجم
ياللى حروفك بتنسينى احزانى

ياعم نجم
ياللى اشعارك بلاقيها كل مرة
فى الضلمة مستنيانى

يا عم نجم
ياللى لما بشوفك بتتكلم وتحكى
برجع احب مصر تانى

أبنك أحمد الصباغ
http://ahmedelsabbagh.blogspot.com/

الحــــــــرية said...

ان شاء الله اللى يكرهوك ياعمنا

max.adams said...

لأ بعد الشر عنك يا كبير دا انت عندينا بالدنيا و بعدين ما احنا من صغرنا معانا ناس نصارى و اصحاب و حبايب ومفيش مشكل ايه الناس اللي عقلهم ننه ده

وبعدين أنا كنت بتمنى أقلب التليفيزيون أشوفك أنا مش مصدق اني بكتبلك دلوقتي يا كبيييير

واحد وبيتكلم said...

تعالوا نعلي صوتنا واللي عاوز يقول يقول


http://kalamser.blogspot.com

واحد وبيتكلم said...

تعالوا نعلي صوتنا واللي عاوز يقول يقول


http://kalamser.blogspot.com

Anonymous said...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品

A片,A片,A片下載,做愛,成人電影,.18成人,日本A片,情色小說,情色電影,成人影城,自拍,情色論壇,成人論壇,情色貼圖,情色,免費A片,成人,成人網站,成人圖片,AV女優,成人光碟,色情,色情影片,免費A片下載,SEX,AV,色情網站,本土自拍,性愛,成人影片,情色文學,成人文章,成人圖片區,成人貼圖

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人

bedo said...

شكراااااااااااااااااااا وأرجو زيارة مدونتي
http://all2earning.blogspot.com

همسه said...

ياااااااااااااااااه
وقدرت تقولها
تنتحر
وانت قلب مصر
ده انا بستمد الامل فى بكره
منك ومن كلامك
يا اجمل نجمه فى سماء مصر
تعيش
وتسلم

وتفضل منور قلوبنا
بالامل

Anonymous said...

خليكم ولاد مصر بس وما تفكرو زينا احنا اللبنانيين لان الحرب بتسود القلوب وتخطف الحياة حتبقوا عايشين ومش عايشين

مطنش said...

مشكووووووورين

العاب سيارات
hguhf
العاب فلاش 2014
العاب فلاش

Uouo Uo said...

thx

كشف تسربات المياة
غسيل خزانات
شركة نظافة عامة

Uouo Uo said...



thank you

سعودي اوتو

عبده العمراوى said...

شركة طيوب لتسليك المجارى بالخبر
شركة جلى بلاط رخام بالجبيل