Sunday, June 10, 2007

تحية فاجوماتية من أسكندرية



أبو النجوم يرسل بتحية

فاجوماتية

إلى كل المدوناتية

من أسكندرية


حيث درجة الحرارة عال العال


و بيفكركم بالقصيدة دي


اسكندرية

يا اسكندريه
بحرك عجايب
ياريت ينوبني م الحب نايب
تحدفني موجه
على صدر موجه
والبحرهوجه
والصيد مطايب
أغسل هدومي
وأنشر همومي
على شمسه طالعه
وأنا فيها دايب
كأني فلاح في جيش عرابي
مات ع الطوابي
وراح في بحرك
كأني نسمه فوق الروابي
م البحر جايه
تغرق في سحرك
كأني كلمه من عقل بيرم
كأني غنوه من قلب سيد
كأني جوا المظاهره طالب
هتف باسمك
ومات معيد
كأني صوت النديم
في ليلك
بيصحي ناسك
يشدوا حيلك
كأني طوبه من بيت في حاره
كأني دمعه
في عيون سهارى
كأني نجمه فوق الفناره
تهدي الحيارى
والبدر غايب
يا اسكندريه
يامصراويه
على سن باسم
على ضحكه هاله
البحر
شباك ومشربيه
وانتي الاميره
ع الدنيا طاله
يا اسكندريه عاشق
وبدوي
ارتاح في حضنك
والود ودي
يكون كلامي
عربون غرامي
وبالمحبه
ناخد وندي
يا اسكندريه فيكي الغلابه
ع الرزق يسعوا ولايناموش
صبح صباحهم
رجع مساهم
وزاد شقاهم
ومارتاحوش
يا عيني ع اللي الزمان تعبهم
وضاع تعبهم
ومالتقوش
نزل شبكهم
في بحر طامي
طلع شبكهم
على فاشوش
وفيكي بين البشر
ديابه
وفيكي فوق البشر
وحوش
وفيكي ناس مغرمين صبابه
لو خان زمانهم
مابيخونوش
وفيكي خمري
سلمت امري
ما اقدرش اشوفه
وما انيلوش
سمك يا بني يا اسكندراني
في العشق واحد
مالكش تاني
سمك يابني يا اسكندراني
في الحسن ساحر ومعجباني
سمك يابني
والعشـق غيه
تبدأ بنظره
تبقى ملاغيه
وكل عاشق وله بهيه
وكل شاعر وله اغاني
وأنا اللي عشق الصبايا كاري
أعشق وأغني ما اقدرش اداري
واي نظره بتجيب قراري
وايشحال عيونك
يا الاسمراني


41 comments:

Xee said...

بصفتي إسكندراني حتى نخاع النخاع
مش قادر أقولك درجة إنشكاحي قد إيه من البوست ده

تحياتي يا عم نجم

sherefins said...

الله عليكي يا عم الناس كلها والله انت اللي فيهم والباقي بكش في بكش

oOo_Mariam_oOo said...

الله عليك يا عمناااااااااااااااااااا

و الله كنت لسه عايزة أكتبها عندي في المدونة بمناسبة الصيف و المصايف لقيتك كتبتها.....


تسلم يا مثلي الأعلى

غادة الكاميليا said...

كنت لسه بسمعها امبارح لأنى اشتقت لاسكندريه وان شاءالله أروحلها قريب مساك ورد

اخر من الاخرين said...

يا بختك يا عم نجم
نفسي اجيلك
انتي فيين ياسكندرية

مادو said...

ازيك يا عمنا
يا بختك
ترجع بالسلامة

Nsreen Bsunee said...

يالهوى انت فى اسكندريه يا حبيبى وانا بأقول الدنيا عندنا منوره ليه اتارى الباشا الكبير عندنا ياريت تتطول المصيف وتفكك من القاهره اليومين دول عشان اسكندريه والاسكندرانيه بيحبوك وبيموتوا فيك
تحياتى يا عمنا

مش فاهم حاجة said...

الله عليك لما تقول

مش عارف اوصلفك الكلمات دى بتهزنى قد اية لما اسمعها بصوت منير

اللة عليك بجد

كأني كلمه من عقل بيرم
كأني غنوه من قلب سيد
كأني جوا المظاهره طالب
هتف باسمك
ومات معيد


اية الابداع دة

fanan fa2eer said...

اسكندرية يا اسكندرية
يابختك

الجعرّ و أبورمّانة said...

الاغنية دى من اجمل اغاني الشيخ امام
بس يابو النجوم اسكندرية بتاعة دلوقتى مش زي اسكندرية اللى اتكتبت عليها القصيدة ..

الجعرّ و أبورمّانة said...

الا انت بتحب تروح فين ف اسكندرية ياعم احمد ؟
لازم نعرف الاماكن اللى بتروحها

sokoothansawat said...

حيث اني قاهرية المكان..اسكندرانية الهوية..اسمحلي اقولك .. الللللللللللللللله عليك يا ملك..امتى بقى هنلاقي قصيدة عن القاهرة العجوز المتصابية..الي فاضل فيها بواقي جمال من بين تجاعيد الجلد والشيب الي ملاها...امتى هنسمع منك حاجة حلوة عن القاهرة...الي اتظلمت واتمرمطت و اتبهدلت منغير ما تلاقي حد ينصفها..مستنينك يا ملك.

ضد الظلم said...

عم احمد متيجى بورسعيد وتنونا ياعم احمد
وياريت يا عم احمد ترود على تعليقتنا عشان نحس انك معانا
تحياتى

kaed said...

عمنا
أهلا بيك عندنا
و لو عايزنا نعملوا معاك الواجب
إبقى إتصل

Mirage said...

صوت منير بيجلجل فى التدوينة دى

انا هاروح اسمعها حالا

An Egyptian in the UK said...

أيه يا عم احمد انت عامل مدونه فى الخباثة من ورانا... و كمان قاعد فى اسكندرية تشم نسيم بحر اسكندريه... عموما انا اهديك من تحت امطار بريطانيا الصيفية هذه لابيات لنزار القبانى

أمطار أوروبا

تعزف سوناتات بيتهوفن

و أمطار الوطن...

تعزف جراحات سيد درويش

و أنا بدون تردد

مع هذا الإسكندرانى

الذى يضئ فى حنجرته قمر الحزن

و مآذن سيدنا الحسين

ibn nasser - ابن ناصر said...

يا كلماتك الجامده يا عم احمد انا مش اسكندراني لكن فاجومي حتي النخاع ! ووالله يا عم احمد لسه كنت امبرح في سااقية الصاوي بنسمع كلماك واغاني الشيخ امام والله يا عم احمد انا نفسي اجيلك اخد صورة معاك واتكلم معاك خمسه وعلي فكره انا كتاب حضرتك الكتاب الوحي اللي جمبي مابيتشش لاني مابزهقش من قرائة اشعاركك
تحياتي لاجدع راجل في مصر

muse said...

عمنا و احلى حاجة فمصر -قبل مننا-
مبروك عليك اول مدونة
مش عارفة ليه حاضرانى أغنية بتحبها و بحبها
(يا مصر قومى و شدى الحيل)

انت و اسكندرية يا بختكو ببعض

مروة جمعة said...

صباح الورد يا عم أحمد
بصفتي زقازيقية -أي من الزقازيق !- أعلن غيرتي من أهالي اسكندرية الكرام بسبب بحرهم الأبيض المتوسط ..لكن اقول ايه ياعم أحمد ماله بحر مويس يعني ..حنين برضه!رائع ياعم أحمد ..ذكرتني بأغنيتك الجميلة "وعمار يا سكندرية ..ياجميلة يا بهية ..وعد ومكتوب عليا ومسطر ع الجبين ..لأشرب م الحب حبه وأنزل بحر المحبة ..وأسكن حضن الأحبة والناس الطيبين ..." صباحك ورد

Queen eraser said...

والله هى فعلا اسكندرية تتحسد متقالش فيها كلام زى ده قبل كده..
بس دى بلدنا بقى حنحسد بلدنا...أيوووووه
تسلم ايدك

ادم المصري said...

ايوة كدا ياعمنا بلا رقابة بلا بتاع
.
.
الا صحيح
مش ناوي تعيد البتاع

dyin_soul said...

صباحك ندي و رقة

طبعا انا بموت في جو اسكندرية و بحبها أوي بس يعني هم أهل السويس مش هينوبهم من الحب جانب ولا ايه
انبسطت أوي لما شفت البلوج بتاعتك وربنا يخليك لينا و تسمعنا احلي كلام علي طول

ابو النجوم said...

ياترى يافاجومى هتحبس مين فى اسكندرية اليومين دول بصراحة انا عدت بااخاف منك لسانك بقى ولا ابوسليم بتاع كفر الهنادوة عند عمنا مصطفى حسين انتى بقيت اسخم منة لسانك زالف وبيقول حاجات ولانجيب سرور فى اواخر ايامة.
لك تحياتى وحبى واحترامى.
ابو النجوم

sendrlla said...

جميله اوى يا بخت الاسكندرانيه اللى بتكتبلهم ما احنا مالناش من الحب جابن

sendrlla said...

وعلى فكره انا مع مروة جمعه فى المظاهره

سعد said...

اسكندرية منورة

amiraaly said...

كلامك جميل يا عم احمد ومين ما يحبيش اسكندريه واهلها اللى غنى لها محمد قنديل بين شطين وميا عشقتكم عينيا يااهل اسكندريه وفيروز شط اسكندريه ياشط الهوا
ياريت فى صوت حلو يغنى الكلام الجميل ده ربنا يخليك لنا

walidooo said...

عم احمد
انا مش محتاج اقول رايي في كلامك اللي حفظته بالكامل
انا شاعر غلبان باعتبر نفسي من تلاميذ مدرسة الفاجومي الشعرية

نفسي اسمعك حاجة بعنوان ((شكشوكة))واسمع رايك


شَكْشُوكَة دَه كان صيَّاد مّاهِر
عَنده فلوكَة
كانت لصَاحِبنا مَمْلوكَة
كَانت بتجيبله من الأرزاق
أشْكال والوان المَبروكَة
كانت تتهَز بين الأمواج
ده لإن حبَالها مَفكُوكَة
وتشوفهُ بيقدَّف بالعَافية
مقَاديفهَا في جَنبَهَا مَمْسُوكَة
والحِلم في أوصَال شَكْشُوكَة
هايجيبلهُ مِيت ألف فلُوكة
وبدأ يكبَر شَكْشُوكَة كَمَان
ومعَاه كِبْرِت المَبْروكَة
صَبَحِت مَبْروكَة في غَمْضِة عِين
عبَّارة بخِطَة مَحْبُوكَة
بَدَل العبَّارة صَبَحوا إتنين
ودي كُلَّها أملاَك شَكْشُوكَة
لَو حَب يفُكَّها بالفلاليك
تِصبَح مليون ألف فلوكَة
وبَقِتْ شِركة يَا مَاشَا الله
وسَرَقنَا وأخدْنَا في دُوكة
وبَدَأ شَكْشُوكَة يلِم فلوس
ملايين في خَزَاين مَسْكُوكَة
ومراكبهُ رايحة وجَاية كَمَان
يا سَلاَم سَلَّم علي شَكْشُوكَة
وفي نوبة من الأيَّام ياولاَد
وفي وسِط المُوجة المَهْلوكة
جِريت رُكَّابها يمين وشمال
ولقينا المركب مَربُوكَة
بدأت تغرق ومعاها الناس
الواد شحَّات والواد سُوكَة
غرقوا وبقوا فاكهة للأسماك
وبقت أجسادهم مفروكة
أول ما وصَلَهم خَبَر الموت
خَد ديلهُ في سنَانُه شَكْشُوكَة
لابوليس لانيابة ولا دياولو
وصبحنا حقوقنا متروكة
فضيحتنا بقت علي كل لسان
وبقينا للعالم أُضحوكَة
عِرفْتوا مين بَقَي شَكْشُوكَة ...؟؟؟

****


ارجو انها تعجبك واتمني اني ما كونش تقلت عليك
walidfouad_77@yahoo.com

Ahmed Elsabbagh said...

يا قمر مصر الكبير المنور
يا ورد مصر الجميل المزهر
يا لمحة من زمن حلو فى زمان أغبر

ياعمى وعم عيالى اللى لسه فى الغيب
وانا لسه مستنظر

ياعم نجم ياللى ساكن فى روحى وكيانى

ياعم نجم
ياللى حروفك بتنسينى احزانى

ياعم نجم
ياللى اشعارك بلاقيها كل مرة
فى الضلمة مستنيانى

يا عم نجم
ياللى لما بشوفك بتتكلم وتحكى
برجع احب مصر تانى

أبنك أحمد الصباغ
http://ahmedelsabbagh.blogspot.com/

Radwa Lotfy..(Rodirock) said...

انا اول مرة اعرف ان ليك مدونة هنا و بجد فرحاااانة جدا بالاكتشاف ده...القصيدة كالعادة و من غير كلام روعة ..مع انى مش اسكندرانية...الا انى معجبة بيها جدا..وربنا يديك الصحة و تمتعنا كمان و كمان

Anonymous said...

تحياتى يا اجمل نجم
انا من عشاق كلامك الجميل

Esraa Hamed said...

الله عليك يا عم نجم

انا بجد بقالي زمااااااان بدور علي مدونة حضرتك و الحمد لله لقيتها اخيراااا و بجد مبسوطة جداااااااااا

و نفسي اخد رأي حضرتك في كتاباتي المتواضعة

http:/dr-esso.blogspot.com

أتمني حضرتك تشرفني بمدونتي

hamssah said...

ياااااااه يا اسكنريه
همسه

Amr Ezeldeen said...

و لو أنى جاى متأخر أوى

بس أنا إسكندرانى و مدوناتى كمان

يعنى لازم نرد التحية

من كل المدوناتية

الإسكندرانية

لعم الناس و عمنا

و عمار يا إسكندرية

mohamed magdy said...

يا حبيبى يا فاجومى انتا عم الشعره كلهم و الله و كتبت احلى اغانى للملك محمد منير زى ياسكندريه و ايوووووووووو عليك فالسياسه معلم مهما اقوللك مش حديك حقق
و انا و اعوز بالله من كلمت انا بكتب و على ادى بس متاسر بكلامك و طريقتك ممكن بس تقراها

اسكندريه
الكل حاسس بيقمتها الا ناس البلد
ديه بلد ولا اى بلد
تراثها تراث من اهل البلد
فلتاريخ اسمها اكيد اتورد
حتى الموسيقى الشعبيه من عندها اتولد
ويا سلام عالبحر وانتا ادامه قاعد
قاعد سمعلك همك او حتى سبب فرحك
يا سلام على بحر اسكندريه
ما يتعوض عمره
قوموا بقى يا ناس و حسوا بقيمه البلد
ويا سلام على اسكندريه و هواها
كل خبطه تخبطك تحكيلك حكايه
منكرش ان ليها ناسها و حاسين
بس ليه ميكنش كل البنادمين
ياريت اسكندريه ترجع زى زمان
زى مكان يعرفها الانسان



علمنى حبك عباره سهله و بسيطه و عافيه

Anonymous said...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品

A片,A片,A片下載,做愛,成人電影,.18成人,日本A片,情色小說,情色電影,成人影城,自拍,情色論壇,成人論壇,情色貼圖,情色,免費A片,成人,成人網站,成人圖片,AV女優,成人光碟,色情,色情影片,免費A片下載,SEX,AV,色情網站,本土自拍,性愛,成人影片,情色文學,成人文章,成人圖片區,成人貼圖

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人

همسه said...

كأني كلمه من عقل بيرم
كأني غنوه من قلب سيد



بحبهااااااااا
جداااااااااا
وبدووووووووووووووب فيك

العاب said...

تسلم الايادي

العاب فلاش said...

nice topic

مطنش said...

مشكووووووورين

العاب سيارات
hguhf
العاب فلاش 2014
العاب فلاش

عبده العمراوى said...

شركة طيوب لتسليك المجارى بالدمام
شركة عزل خزانات بالجبيل